Honor Magic V3-ün qlobal versiyası Geekbench testlərindən keçib

     Honor şirkəti keçən ay Çində qatlana bilən Honor Magic V3 smartfonunu təqdim etdi. İndi isə şirkət sözügedən smartfonu qlobal bazarda satışa çıxartmağa hazırlaşır. Məlum olub ki, Honor Magic V3-ün qlobal versiyası FCP-N49 model nömrəsi ilə Geekbench-in məlumatlar bazasında ortaya çıxıb. Geekbench sayəsində məlum olub ki, Honor Magic V3-ün qlobal versiyası Snapdragon 8 Gen 3 prosessoru vasitəsilə çalışacaq və özündə 12 GB RAM-ı birləşdirəcək. Bununla yanaşı smartfonun qlobal versiyası qutudan Android 14-ü əldə edəcək. Məlumata əsasən qlobal versiya Geekbench-in bir nüvəli testi çərçivəsində 1914 xal, çox nüvəli testi çərçivəsində isə 5354 xal toplayıb. Honor Magic V3-ün qlobal versiyası artıq yaxın zamanda təqdim oluna bilər.