Huawei Pura 70 Pro+ və Pura 70 Ultra təqdim olunublar - QİYMƏTİ

     Bundan öncəki xəbərdə biz Huawei Pura 70 ilə Pura 70 Pro barəsində danışdıq. Bu xəbərdə isə Huawei Pura 70 Pro+ ilə Pura 70 Ultra barəsində danışacağıq. Beləliklə Huawei Pura 70 Pro+ ilə Pura 70 Ultra xarici görünüş mövzusunda Huawei Pura 70 Pro-ya bənzəyirlər. Smartfonlar bəzi texniki göstəricilər baxımından da oxşardırlar. Hər iki smartfon 1 Hz-dən 120 Hz-ə kimi təsvir yenilənməsinə sahib 2844x1260 piksel keyfiyyətli 6.8 düym OLED ekranla təchiz olunub. Ekranın maksimal parlaqlıq səviyyəsi 2500 nit təşkil edir və o, Basalt Kunlun Glass qoruyucu şüşəsi ilə əhatə olunub. Barmaq izi skanı texnologyiası hər iki smartfonda ekrana inteqrasiya edilib.

     Hər iki smartfonun gövdəsi IP68 standartı üzrə sudan qorunma özəlliyinə sahibdir. Onlar həmçinin özlərində stereo səsgücləndiricilər ilə kontaktsız ödənişlər üçün nəzərdə tutulmuş NFC çipi birləşdirirlər. Üstəlik hər iki smartfon Kirin 9010 prosessoru vasitəsilə çalışır və 16 GB RAM ilə 512 GB/1 TB daxili yaddaş həcmini əldə edib. Pura 70 Pro+ modelinin arxa kameraları ilə ön kamerası Pura 70 Pro ilə eynidir. Pura 70 Ultra modeli isə 50 MP + 50 MP + 40 MP üçlü arxa kameraya sahibdir. Onun ön kamerası Pura 70 Pro+ modelinin ön kamerası ilə eynidir.

     Batareya mövzusuna gəldikdə, Pura 70 Pro+ modeli 100 vatt gücündə sürətli şarj texnologiyalı 5050 mAh enerji tutumlu batareya ilə təchiz olunub və 80 vatt gücündə sürətli naqilsiz şarj texnologiyasını, Pura 70 Ultra isə 100 vatt gücündə sürətli şarj texnologiyalı 5200 mAh enerji tutumlu batareya ilə təchiz olunub və 80 vatt gücündə sürətli naqilsiz şarj texnologiyasını dəstəkləyir. Bu smartfonlar da Android 12 əsaslı HarmonyOS 4.2 vasitəsilə çalışırlar. Huawei Pura 70 Pro+ ilə Pura 70 Ultra-nın Çində satışlarına artıq start verilib. Onların satış qiymətləri isə aşağıdakı kimidir.

- 512 GB yaddaşa sahib Huawei Pura 70 Pro+ - 1105$

- 1 TB yaddaşa sahib Huawei Pura 70 Pro+ - 1245$

- 512 GB yaddaşa sahib Huawei Pura 70 Ultra - 1380$

- 1 TB yaddaşa sahib Huawei Pura 70 Ultra - 1520$.

 

Bənzər xəbərlər

Cihazlar+

Huawei Pura 70 və Pura 70 Pro təqdim olunublar - QİYMƏTİ

Huawei şirkəti heç gözlənilmədən Huawei Pura 70 smartfon seriyasını təqdim edib.

Cihazlar+

Huawei Pura 70 Ultra-nın kameraları barəsində məlumatlar verilib

Bir neçə gün bundan öncə məlum oldu ki, Huawei şirkəti özünün Huawei P smartfon seriyasının adını Huawei Pura-ya dəyişib.

Cihazlar+

Huawei P smartfon seriyası bundan sonra Huawei Pura adlanacaq

Huawei şirkəti özünün P smartfon seriyasının ilk versiyasını təqdim etməsindən 12 il sonra bu smartfon seriyasının rebrendinqini keçirtmək qərarına gəlib.

Cihazlar+

Huawei FreeBuds Lipstick 2 naqilsiz qulaqlığı təqdim edilib - QİYMƏTİ

Huawei şirkəti Çində FreeBuds Lipstick 2 naqilsiz qulaqlığını təqdim edib.

Cihazlar+

4K keyfiyyətli Huawei Smart Screen S5 televizoru təqdim edilib - QİYMƏTİ

Huawei şirkəti 4K keyfiyyətli böyük ekrana sahib yeni smart televizorunu təqdim edib. Televizor Smart Screen S5 adlanır.