İki ədəd sensorlu ekrana sahib Lenovo Yoga Book 9i noutbuku təqdim edilib - QİYMƏTİ

     Lenovo şirkəti yeni qeyri-adi noutbukunu təqdim edib. Söhbət, Lenovo Yoga Book 9i-dan gedir. Bu noutbukun qeyri-adiliyi ondan ibarətdir ki, o, iki ədəd sensorlu ekrana sahibdir. Bu yeni noutbuk 2.8K keyfiyyətli 14 düym ölçülü iki ədəd PureSight POLED ekranla tıəchiz olunub. Hər iki ekran 48 Hz-dən 120 Hz-ə kimi təsvir yenilənməsini dəstəkləyir və DCI-P3 rəng diapazonunun 100%-ni əhatə edir. Bununla yanaşı hər iki ekranın maksimal parlaqlıq səviyyəsi 750 nit təşkil edir. Lenovo Yoga Book 9i ənənəvi klaviaturaya sahib deyil. Onu ikinci ekranda əks olunan virtual klaviatura əvəz edir.

     Lakin istifadəçi noutbuka ayrıca qoşula bilən fiziki klaviaturanı əldə edə bilər. Bu halda ikinci ekranı virtual klaviatura üçün deyil, daha faydalı bir şey üçün istifadə etmək mümkün olacaq. Noutbukun iki ekranı arasında 360 dərəcə fırlana bilən səs paneli mövcuddur. Bu səs paneli Dolby Atmos dəstəkli 4 ədəd səsgücləndiricidən təşkil edilib. Lenovo Yoga Book 9i noutbuku Intel Core Ultra 7 255H prosessoru vasitəsilə çalışır və özündə inteqrasiya edilmiş Intel Arc qrafikasını birləşdirir. Bununla yanaşı noutbuk LPDDR5X  standartlı 32 GB-a kimi RAM-a və 1 TB-a kimi SSD-yə sahibdir. Onun batareya həcmi isə 88 vatt-saat təşkil edir. Lenovo Yoga Book 9i may ayında satışa çıxacaq və onun qiyməti 2000$-dan start götürəcək.

Bənzər xəbərlər

Cihazlar+

Lenovo Legion Go 2-nin prototipi təqdim edilib

Lenovo şirkəti Lenovo Legion Go S portativ oyun konsolu ilə yanaşı Lenovo Legion Go 2-nin prototipini də təqdim edib. Beləliklə şirkət 2023-cü ildə təqdim edilmiş birinci nəsil Lenovo Legion Go-nun davamçısı üzərində çalışdığını təsdiqləyib

Cihazlar+

Lenovo Legion R34w-30 gaming monitoru təqdim edilib

Lenovo şirkəti daha bir gaming monitorunu təqdim edib. Şirkətin təqdim etmiş olduğu ikinci gaming monitor Lenovo Legion R34w-30 adlanır.

Cihazlar+

Lenovo Legion Pro 34W-10 gaming monitoru təqdim edilib - QİYMƏTİ

Lenovo şirkəti öz yeni gaming monitorunu təqdim edib. Şirkətin yeni gaming monitoru Lenovo Legion Pro 34W-10 adlanır.

Cihazlar+

Lenovo Legion Glasses 2 eynəyi təqdim edilib

Lenovo şirkəti 2023-cü ildə Lenovo Legion Glasses eynəyini təqdim etmişdi. İndi isə şirkət Lenovo Legion Glasses 2 eynəyini təqdim edib.

Cihazlar+

Lenovo Legion Go S portativ oyun konsolu təqdim edilib - QİYMƏTİ

Lenovo 2023-cü ilin ikinci yarısında Lenovo Legion Go adlı portativ oyun konsolunu təqdim etmişdi. İndi isə şirkət onun sadələşdirilmiş versiyası olan Lenovo Legion Go S-i təqdim edib.