main-post-cover

    iPhone 15 Pro Max-ın kameralarından biri barəsində məlumatlar sızdırılıb

    Cihazlar+
    06.09.2023
    Farid Pardashunas
        Apple gələn həftənin ikinci günü iPhone 15 smartfon seriyasını təqdim edəcək. Təqdimata sayılı günlər qaldığına görə bu smartfon seriyası barəsində daha çox məlumat ortaya çıxmağa başlayıb. Çinin Weibo adlı sosial şəbəkəsində ortaya çıxmış fotoda iPhone 15 Pro Max-ın kameralarından birinin özəlliklərini özündə birləşdirən Apple saytının əks olunduğu iddia edilir. Bu fotonun saxta və ya real olduğu bilinmir. Buna görə də fotoya bir qədər şübhə ilə yanaşmaq lazımdır. Beləliklə fotoda əks olunmuş mətnə əsasən iPhone 15 Pro Max-ın sahib olacağı periskop kamera obyektivi 85 mm-lik fokus məsafəsinə sahib olacaq. Bu isə təqribi olaraq 3.5 qat zoom-a yaxındır. Bununla yanaşı mətndə qeyd edilib ki, kameranın diafraqma göstəricisi f/2.8, kamera sensorunun ölçüsü isə 1/1.9 düym təşkil edəcək. 
    Linki kopyala

    Bənzər xəbərlər

    Oxşar xəbərlər