Kompakt ölçülü ASUS ROG NUC 2025 kompüteri təqdim edilib

     ASUS şirkəti CES 2025 sərgisi çərçivəsində ROG NUC 2025 adlı kompakt ölçülü kompüterini təqdim edib. Öz kompakt ölçüsünə baxmayaraq bu kompüter yüksək keyfiyyətli oyunları işə salmağa qadirdir. Bu öz növbəsində kompüterin güclü texniki imkanları hesabına mümkün olub. ASUS ROG NUC 2025 kompüteri Intel Core Ultra 200HX seriyasının prosessorları vasitəsilə çalışır. Alıcılar Core Ultra 9-a kimi təqdim edilmiş variantlardan birini seçə bilərlər.

     Qrafik prosessor qismində isə 16 GB-lıq VRAM-a sahib NVIDIA GeForce RTX 5080 videokartı çıxış edir. Bununla yanaşı kompüter özündə DDR5-5600 SO-DIMM standartlı 96 GB-a kimi RAM-ı birləşdirir. Kompüterin daxilinə iki ədəd SSD yerləşdirmək mümkündür. Bunun üçün onun daxilində iki slot girişi mövcuddur. ASUS ROG NUC 2025 özündə Thunderbolt 4/USB4, USB Type-A 3.2 Gen 2, USB Type-C, HDMI 2.1, DisplayPort 2.1 və Ethernet girişlərini birləşdirir. Kompüterə 240 Hz-lik təsvir yenilənməsinə sahib 4K keyfiyyətli monitorları qoşmaq olar. ASUS ROG NUC 2025 bu ilin birinci rübündə satışa çıxacaq. Onun hansı qiymətə satılacağı isə bilinmir.

Bənzər xəbərlər

Cihazlar+

ASUS TUF Gaming A18 gaming noutbuku təqdim edilib

ASUS öz yeni gaming noutbukunu təqdim edib. Şirkətin yeni gaming noutbuku ASUS TUF Gaming A18 adlanır.

Cihazlar+

GeForce RTX videokartına sahib ASUS Vivobook Pro 15 noutbuku təqdim edilib - QİYMƏTİ

ASUS şirkəti yeni ASUS Vivobook Pro 15 (N6506CU) noutbukunu təqdim edib. Bu noutbuk həm ofis işləri həm də oyunlar üçün yarayır.

Cihazlar+

AMD prosessorlu ASUS ROG Flow Z13 (2025) gaming planşeti təqdim edilib - QİYMƏTİ

ASUS şirkəti CES 2025 sərgisi çərçivəsində ASUS ROG Flow Z13 (2025) gaming planşetini təqdim edib. ASUS-un bu yeni gaming planşeti böyük ölçülü ekranı və AMD-nin yeni prosessoru ilə seçilir.

Cihazlar+

ASUS ROG Swift OLED PG27UCDM gaming monitoru təqdim edilib

ASUS şirkəti öz yeni gaming monitorunu təqdim edib. Yeni monitor ASUS ROG seriyasına daxildir və ROG Swift OLED PG27UCDM adlanır.

Cihazlar+

ASUS güclü gaming planşetini təqdim etməyə hazırlaşır

5 yanvar tarixində ABŞ-da CES 2025 sərgisi start götürəcək. ASUS şirkəti daha öncə rəsmi şəkildə elan etmişdi ki, o, 6 yanvar tarixində CES 2025 sərgisi çərçivəsində qlobal təqdimat tədbirini keçirəcək.