Lenovo Legion Glasses 2 eynəyi təqdim edilib

Cihazlar+

08.01.2025

Emil

Lenovo şirkəti 2023-cü ildə Lenovo Legion Glasses eynəyini təqdim etmişdi. İndi isə şirkət Lenovo Legion Glasses 2 eynəyini təqdim edib. Eynəyin çəkisi 65 qram, gövdə qalınlığı isə 18.5 mm təşkil edir. Bu öz növbəsində ondan rahat şəkildə istifadəni təmin edir. Lenovo Legion Glasses 2 eynəyi Micro-OLED ekranla təchiz olunub. Bu ekran öz növbəsində 120 Hz-lik təsvir yenilənməsinə sahib 126 düym ölçülü virtual ekranı imitasiya edir. Yəni istifadəçi eynəyi taxan zaman onun gözləri önündə 126 düym ölçülü virtual ekran əks olunacaq. Ekranın maksimal parlaqlıq səviyyəsi 800 nit təşkil edir.

Bununla yanaşı Lenovo Legion Glasses 2 eynəyi 3D dəstəyinə sahibdir. Bu isə öz növbəsində virtual dünyaya daha dərindən daxil olmağa imkan verir. Lenovo-nun sözügedən yeni eynəyi ilk növbədə gamerlər üçün və böyük ekranda müxtəlif kontentləri izləməyi sevən istifadəçilər üçün nəzərdə tutulub. Eynək həmçinin professionallar üçün də əla seçimdir. Belə ki, o, noutbuka və ya smartfona qoşulmaqla virtual iş masasını təqdim edir. Nəticədə istifadəçi müxtəlif sənədlərə baxa, videoları redaktə edə və müxtəlif prezentasiyalar hazırlaya bilər. Bunun üçün əlavə monitora ehtiyac qalmayacaq. Lenovo Legion Glasses 2-nin nə zaman və hansı qiymətə satışa çıxacağı açıqlanmayıb.

Paylaş

lenovo legion glasses 2

lenovo

Bənzər xəbərlər