Lenovo Legion Go S-in render fotosu təqdim edilib

     Dünən məlum oldu ki, Lenovo şirkəti özünün Lenovo Legion Go adlı portativ oyun konsolunun daha büdcəli versiyası üzərində çalışır. Söhbət, Lenovo Legion Go S-dən gedir. İndi isə məşhur insayder Jez Corden hazırlanan bu yeni portativ oyun konsolunun render fotosunu təqdim edib. Beləliklə insayder Lenovo Legion Go S-in mövcudluğunu təsdiqləyib. Təqdim edilmiş fotoya əsasən bu yeni portativ oyun konsolu ağ gövdə rənginə və RGB işıqlandırmaya sahib olacaq.

     Bununla yanaşı cihaz özündə iki ədəd USB-C girişini, iki ədəd joystick-i, dairəvi şəkildə naviqasiya düyməsini və digər idarəetmə düymələrini birləşdirəcək. Lenovo Legion Go S-in texniki imkanları ilə bağlı dəqiq bir məlumat yoxdur. Lakin gözləntilərə əsasən o, Zen 3+ arxitekturalı prosessor əsasında çalışacaq və özündə RDNA 2 arxitekturalı qrafik çipi birləşdirəcək. Lenovo bu yeni portativ oyun konsolunu gələn ilin əvvəlində təqdim edə bilər.