Lenovo Legion Go S portativ oyun konsolu təqdim edilib - QİYMƏTİ

Cihazlar+

08.01.2025

Emil

Lenovo 2023-cü ilin ikinci yarısında Lenovo Legion Go adlı portativ oyun konsolunu təqdim etmişdi. İndi isə şirkət onun sadələşdirilmiş versiyası olan Lenovo Legion Go S-i təqdim edib. Bu yeni portativ oyun konsolunun əsas fərqləndirici tərəfi ondadır ki, o, SteamOS əməliyyat sisteminə sahib ilk kənar portativ oyun konsolu oldu. Nəticədə bu yeni oyun konsolu Steam Deck-in əsl rəqibi ola bilər. Bununla belə Lenovo Legion Go S-in Windows 11 vasitəsilə çalışan versiyası da satışa çıxacaq. Beləliklə Lenovo Legion Go S konsolu 120 Hz-lik təsvir yenilənməsinə sahib 1920x1200 piksel keyfiyyətli 8 düym ölçülü ekranla təchiz olunub.

Konsol iki versiyada təqdim edilib. Birinci versiya AMD Ryzen Z1 Extreme prosessoru, ikinci versiya isə AMD Ryzen Z2 Go prosessoru vasitəsilə çalışır. Lenovo Legion Go S-in SteamOS vasitəsilə çalışan versiyası özündə 16 GB RAM ilə 512 GB/1 TB SSD-ni, Windows 11 vasitəsilə çalışan versiyası özündə 32 GB RAM ilə 1 TB-lıq SSD-ni birləşdirir. Konsolun batareya həcmi isə 55 vatt-saat təşkil edir və o, 65 vatt ghücündə şarj adapterinə sahibdir. Konsolun Windows 11 vasitəsilə çalışan versiyası artıq bu ay satışa çıxacaq və onun qiyməti 730$ təşkil edəcək. Lenovo Legion Go S-in SteamOS vasitəsilə çalışan versiyasına gəldikdə isə o, may ayında satışa çıxacaq və onun qiyməti 500$-dan start götürəcək.

Paylaş

lenovo

lenovo legion go s

Bənzər xəbərlər