Lenovo-nun yaxın zamanda təqdim edəcəyi 4 yeni planşetin render fotoları ortaya çıxıb

     5 yanvar tarixində ABŞ-da start götürəcək CES 2025 sərgisində iştirak edəcək şirkətlərdən biri də Lenovo olacaq. Şirkət bu sərgidə iştirak üçün aktiv şəkildə hazırlaşır. Məlum olub ki, Lenovo sözügedən sərgidə 4 ədəd yeni planşetini təqdim edəcək. Təqdim olunacaq planşetlərin render fotoları və bəzi məlumatları artıq ortaya çıxıb.

Lenovo Idea Tab Pro:

     Bu planşet şirkətin yeni flaqman planşeti olacaq. Gözləntilərə əsasən Lenovo Idea Tab Pro planşeti 3K keyfiyyətli ekranla təchiz olunacaq və ekran stilus dəstəyini əldə edəcək. Bundan əlavə olaraq məlumatda qeyd edilib ki, sözügedən planşet 4 ədəd səsgücləndiriciyə sahib olacaq. Məlumata əsasən o, bir dəfə şarj olunandan sonra 11 saat ərzində çalışa biləcək.

Lenovo Legion Tab 8.8 Gen 3:

     Bu, şirkətin yeni gaming planşeti olacaq. Gözləntilərə əsasən Lenovo Legion Tab 8.8 Gen 3 planşeti 165 Hz-lik təsvir yenilənməsinə sahib Quad HD+ keyfiyyətli 8.8 düym ölçülü ekranla təchiz olunacaq. Bu cür ekran öz növbəsində oyunlar zamanı axıcı görüntünü təmin edəcək. Bundan əlavə olaraq çox güman ki, planşet Snapdragon 8 Gen 3 prosessoru vasitəsilə çalışacaq.

Lenovo Yoga Tab Plus:

     Bu planşet daha çox biznes istiqamətli planşet olmalıdır. Məlumatda qeyd edilib ki, Lenovo Yoga Tab Plus planşeti stilus və xarici klaviatura dəstəyinə sahib olacaq. Bu planşet Lenovo Yoga Pad Pro-nun rebrendinqi ola bilər. Belə olacağı halda Lenovo Yoga Tab Plus planşeti 12.7 düym ölçülü ekranla təchiz olunacaq və Snapdragon 8 Gen 3 prosessoru vasitəsilə çalışacaq.

Lenovo Tab 2025:

     Sözügedən planşet daha geniş istifadəçi kütləsi üçün nəzərdə tutulmuş büdcəli planşet olacaq. Şirkətin digər yeni planşetləri kimi Lenovo Tab 2025 də stilus dəstəyini əldə edəcək.

Bənzər xəbərlər

Cihazlar+

Lenovo Legion Go S-in render fotoları və texniki imkanları ortaya çıxıb

Hələ bir neçə müddət bundan öncə məlumat ortaya çıxdı ki, Lenovo şirkəti özünün Lenovo Legion Go adlı portativ oyun konsolunun bir qədər sadələşdirilmiş versiyasını təqdim etməyə hazırlaşır. Sadələşdirilmiş versiya Lenovo Legion Go S adlanmalıdır.

Cihazlar+

Lenovo, SteamOS vasitəsilə çalışa biləcək ilk portativ oyun konsolunu təqdim edə bilər

Lenovo şirkəti gələn ayın 7-də ABŞ-da start götürəcək və 10 yanvar tarixinə kimi davam edəcək CES 2025 sərgisi çərçivəsində baş tutacaq tədbirini anons edib.

Cihazlar+

Lenovo Legion Go S portativ oyun konsolunun texniki imkanları təqdim edilib

Biraz əvvəl biz xəbər verdik ki, Lenovo-un hazırladığı Legion Go S adlı büdcəli portativ oyun konsolunun ilk render fotosu təqdim edilib. İndi isə Winfuture saytı sözügedən yeni portativ oyun konsolunun texniki imkanları barəsində məlumatları təqdim edib.

Cihazlar+

Lenovo Legion Go S-in render fotosu təqdim edilib

Dünən məlum oldu ki, Lenovo şirkəti özünün Lenovo Legion Go adlı portativ oyun konsolunun daha büdcəli versiyası üzərində çalışır. Söhbət, Lenovo Legion Go S-dən gedir.

Cihazlar+

Lenovo Legion Go portativ oyun konsolunun büdcəli versiyası hazırlanır

Lenovo şirkəti keçən ilin ikinci yarısında Lenovo Legion Go adlı portativ oyun konsolunu təqdim etmişdi. İndi isə məlum olub ki, şirkət bu portativ oyun konsolunun daha büdcəli versiyası üzərində çalışır.