Lenovo ThinkBook Plus Gen 5 Hybrid noutbuku təqdim edilib - QİYMƏTİ

Cihazlar+

09.01.2024

Emil

Lenovo şirkəti CES 2024 sərgisi çərçivəsində ThinkBook Plus Gen 5 Hybrid adlı yeni hibrid noutbukunu təqdim edib. Sözügedən cihaz həm Windows noutbuk qismində həm də Android planşet qismində çalışa bilir. Faktiki olaraq bu, bir-birindən müstəqil olan iki cihazdır. Klaviatura hissəsi özündə Windows platformasını, sensorlu ekran panel isə özündə Android platformasını birləşdirir. Onları ayrı-ayrılıqda istifadə etmək mümkündür. Klaviatura hissəsinin daxilində Intel Core Ultra 7 prosessoru, inteqrasiya edilmiş Intel Arc qrafikası, 32 GB-a kimi RAM, 1 TB-a kimi SSD və 75 vatt saat həcmində batareya yerləşdirilib.

Bununla yanaşı klaviatura hissəsi özündə barmaq izi skanı ilə iki ədəd USB-C girişini birləşdirir. Bütün bunlar Windows 11 vasitəsilə çalışırlar. Ekranlı panelə gəldikdə isə o, 2.8K keyfiyyətli 14 düym OLED ekranla təchiz olunub və Snapdragon 8+ Gen 1 prosessoru vasitəsilə çalışır. Bununla yanaşı ekran paneli özündə 12 GB RAM-ı, 256 GB daxili yaddaş həcmini, 13 MP-lik arxa kameranı və 5 MP-lik ön kameranı birləşdirir. Ekran paneli Android 13 vasitəsilə çalışır. Lenovo ThinkBook Plus Gen 5 Hybrid noutbuku bu ilin ikinci rübündə 2000$ qiymətində satışa çıxacaq.

Paylaş

lenovo

ces 2024

lenovo thinkbook plus gen 5 hybrid

Bənzər xəbərlər