Lenovo ThinkPad X1 Yoga 2024 noutbuku təqdim edilib - QİYMƏTİ

     Lenovo şirkəti özünün ThinkPad noutbuk seriyasının yeni modelini təqdim edib. Şirkətin yeni noutbuku Lenovo ThinkPad X1 Yoga 2024 adlanır. Beləliklə sözügedən yeni noutbuk 120 Hz-lik təsvir yenilənməsinə sahib 2.8K keyfiyyətli 14 düym sensorlu OLED ekranla təchiz olunub. Ekranın maksimal parlaqlıq səviyyəsi 400 nit təşkil edir və o, DCI-P3 rəng diapazonunun 100%-ni əhatə edir. Ekran üstəlik Dolby Vision və HDR True Black 500 texnologiyalarının dəstəklərinə sahibdir. Noutbukun ekranı həmçinin stilusla çalışma imkanını da dəstəkləyir.

     Lenovo ThinkPad X1 Yoga 2024-ün gövdəsi aviasiyada istifadə edilən alüminium ərintisindən hazırlanıb. Noutbukun qalınlığı 15.5 mm, çəkisi isə 1.35 kq təşkil edir. O həmçinin 360 dərəcə açıla da bilir. Lenovo ThinkPad X1 Yoga 2024 noutbuku Intel Core Ultra 7 155U prosessoru vasitəsilə çalışır və özündə LPDDR5X standartlı 32 GB-lıq RAM-ı, 1 TB-lıq SSD-ni və 57 vatt saat həcmli batareyanı birləşdirir. Noutbuk HDMI 2.1, Thunderbolt 4, USB-A girişlərinə və naqilli qulaqlıqlar üçün nəzərdə tutulmuş 3.5 mm-lik audiogirişə sahibdir. Lenovo ThinkPad X1 Yoga 2024 yaxın zamanda Çində satışa çıxacaq və onun qiyməti 2213$ təşkil edəcək. Noutbukun digər regionlarda satılıb-satılmayacağı isə bilinmir.

Bənzər xəbərlər

Cihazlar+

Lenovo YOGA 27 (2024) monobloku təqdim edilib - QİYMƏTİ

Lenovo şirkəti YOGA 27 (2024) adlı yeni monoblokunu təqdim edib. Şirkətin bu yeni monobloku öz texniki özəllikləri ilə diqqəti cəlb edir.

Cihazlar+

Lenovo ThinkPad S2 2024 noutbuku təqdim edilib - QİYMƏTİ

Lenovo şirkəti özünün ThinkPad noutbuk seriyasının yeni modelini təqdim edib. Şirkətin yeni noutbuku Lenovo ThinkPad S2 2024 adlanır.

Cihazlar+

Lenovo Yoga Air 14 noutbuku təqdim edilib - QİYMƏTİ

Lenovo şirkəti özünün Yoga adlı noutbuk seriyasının yeni modelini təqdim edib. Təqdim edilmiş yeni noutbuk Lenovo Yoga Air 14 adlanır.

Cihazlar+

Lenovo artıq Legion Go 2 portativ oyun konsolu üzərində çalışır

Lenovo şirkəti keçən ilin payız fəslində Legion Go adlı portativ oyun konsolunu təqdim etmişdi.

Cihazlar+

Lenovo-nun Snapdragon X Elite prosessorlu yeni noutbuku Geekbench testlərindən keçib

Lenovo-nun 4810UV0100 model nömrəsinə sahib hələ təqdim olunmamış yeni noutbuku Geekbench testlərindən keçib.