Lenovo ThinkVision P32pz-30 monitoru təqdim edilib - QİYMƏTİ

     Lenovo şirkəti özünün ThinkVision seriyasının yeni monitorunu təqdim edib. Təqdim edilmiş yeni monitor Lenovo ThinkVision P32pz-30 adını əldə edib. Beləliklə sözügedən yeni monitor 60 Hz-lik təsvir yenilənməsinə sahib 4K keyfiyyətli 31.5 düym mini-LED ekranla təchiz olunub. Ekranın maksimal parlaqlıq səviyyəsi 1200 nit təşkil edir. Ekran DCI-P3 rəng diapazonunun 98%-ni, Adobe RGB rəng diapazonunun isə 99%-ni əhatə edir. Monitor özündə HDMI 2.1, USB 4.0 Type-C və DisplayPort 1.4 girişlərini birləşdirir. Qeyd etmək lazımdır ki, monitorun USB 4.0 Type-C girişi vasitəsilə digər cihazları şarj etmək mümkündür. Bunun üçün o, 140 vatt çıxış gücünə sahibdir. Monitor artıq 2000 avro qiymətində satışa çıxıb.