Motorola brendi Xiaomi Mi Mix Alpha tərzində olacaq smartfon üzərində çalışır

Motorola brendi Xiaomi Mi Mix Alpha tərzində olacaq smartfon üzərində çalışır

Mobil Cihazlar
12.01.2022 PAYLAŞIM

    2019-cu ildə təqdim edilmiş konseptual Xiaomi Mi Mix Alpha smartfonu, bütün gövdəsi ekran ilə əhatə edilmiş yeganə smartfon modeli hesab edilir. Belə ki, sözügedən smartfonun ekranı ön paneli, kənar hissələri və arxa paneli əhatə edir. Ortaya çıxmış yeni məlumata əsasən Motorola brendi də buna bənzər smartfon üzərində çalışır. Lenovo Group şirkətinin tərkibinə daxil olan Motorola brendi bütün gövdəsi ekran ilə əhatə edilmiş smartfonu patentləşdirib. Patentdəki məlumatlar əsasında isə Let’s Go Digital saytı Motorola brendinin bu cür smartfon modelinin mümkün render fotolarını hazırlayıb.


    Hazırlanmış render fotolardan da görmək olar ki, smartfon ekranının yuxarı mərkəz hissəsində ön kamera üçün nəzərdə tutulmuş kiçik dairəvi çıxıntı yerləşdirilib. Bundan əlavə olaraq smartfon bir ədəd fiziki düyməyə sahibdir. Söhbət, yandırıb/söndürmə düyməsindən gedir. Çox güman ki, səsin tənzimlənməsindən sensorlu düymələr cavabdehdirlər. Bu cür düymələri biz bir neçə il bundan öncə Huawei Mate 30 Pro smartfonunda görmüşdük.

    Maraqlısı ondadır ki, Let’s Go Digital saytının dizaynerləri render fotolarda smartfonun arxa panelini sərgiləməyiblər. Yəni smartfonun arxa kameraları barəsində heç bir məlumat yoxdur. Motorola brendinin bu cür smartfon modelinin nə zaman təqdim olunacağı barəsində məlumat yoxdur. Qeyd etmək lazımdır ki, 2019-cu ildə Xiaomi şirkəti Mi Mix Alpha-nı təqdim edən zaman bildirmişdi ki, smartfon 2800$-a satılacaq. Lakin nəticədə smartfon satışa çıxmadı və konseptual olaraq qaldı.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Motorola brendi 200 MP-lik kameraya sahib Frontier kod adlı yeni flaqman smartfo..

Dekabr ayında Motorola brendi Moto Edge X30 adlı flaqman smartfon modelini təqdim etmişdi.


Google şirkətinin ilk qatlana bilən smartfonunun sxematik animasiyası ortaya çıx..

Google şirkətinin ilk qatlana bilən smartfonu barəsində yeni məlumatlar ortaya çıxıb.


iPhone 14 Pro modellərinin ekranları fərqli ölçülərə sahib iki ədəd çıxıntı ilə ..

Apple şirkətinin öz növbəti iPhone modellərinin ekranları üzərlərindəki ənənəvi çıxıntı hissədən imt..


Qatlana bilən Xiaomi Mix Fold 2 barəsində ilk məlumatlar verilib

Keçən il Xiaomi şirkəti özünün Mix Fold adlı ilk qatlana bilən smartfon modelini təqdim etmişdi. ..


Xiaomi Black Shark 5 gamer smartfonunun bəzi texniki özəllikləri barəsində məlum..

Dünən məlumat ortaya çıxmışdı ki, Çinin ən böyük şirkətlərindən biri olan Tencent Xiaomi-nin Black S..


OnePlus 10 Pro flaqman smartfonu təqdim olunub - QİYMƏTİ

OnePlus şirkəti öz yeni flaqman smartfonu olan OnePlus 10 Pro-nu təqdim edib.

×