OPPO Find X8 Mini smartfonunun texniki imkanları açıqlanıb
Cihazlar+
07.01.2025
Emil
OPPO şirkəti yaxın zamanda OPPO Find X8 smartfon seriyasına daxil olacaq yeni modeli təqdim edə bilər. Söhbət, OPPO Find X8 Mini-dən gedir. Digital Chat Station ləqəbli məşhur insayder öz növbəsində təqdimata hazırlaşan bu smartfonun texniki imkanları barəsində təfərrüatları bölüşüb. Beləliklə insayderin sözlərinə əsasən OPPO Find X8 Mini smartfonu 1.5K keyfiyyətli 6.31 düym ölçülü LTPO OLED ekranla təchiz olunacaq.
Smartfon həmçinin özündə Sony-nin IMX9 seriyasına daxil olan əsas arxa kameranı və 50 MP-lik periskop kameranı birləşdirəcək. İnsayder əlavə edib ki, barmaq izi skanı texnologiyası bu smartfonda birbaşa ekrana inteqrasiya ediləcək. Məlumatda qeyd edilib ki, OPPO Find X8 Mini smartfonu MediaTek Dimensity 9400 prosessoru vasitəsilə çalışacaq və sürətli naqilsiz şarj texnologiyasını dəstəkləyəcək. OPPO Find X8 Mini modelinin qlobal bazarda satışa çıxıb-çıxmayacağı bilinmir. Bununla yanaşı heç istisna deyil ki, şirkət OPPO Find X8 Mini ilə birlikdə Find X8 Ultra-nı da təqdim etsin.
Paylaş
Ən çox oxunanlar
ABŞ ordusu zirehli texnika əvəzinə dronlara üstünlük verəcək
