OPPO Reno 11F 5G smartfonunun yeni promo fotoları təqdim edilib

     Hələ bir neçə müddət bundan öncə məlumat ortaya çıxmışdı ki, OPPO şirkəti OPPO Reno 11 smartfon seriyasının yeni modelini təqdim etməyə hazırlaşır. Söhbət, OPPO Reno 11F 5G-dən gedir. İndi isə insayderlər sözügedən smartfonun promo fotolarını təqdim ediblər. Fotolardan da görmək olar ki, OPPO Reno 11F 5G smartfonu yastı ekranı əldə edəcək və onun arxa panelində 3 ədəd kamera obyektivi yerləşəcək. OPPO Reno 11F 5G-nin 120 Hz-lik təsvir yenilənməsinə sahib Full HD+ keyfiyyətli AMOLED ekranla təchiz olunacağı və MediaTek Dimensity 7050 prosessoru vasitəsilə çalışacağı gözlənilir. Üstəlik smartfon özündə 64 MP + 8 MP + 2 MP üçlü arxa kameranı, 32 MP-lik ön kameranı və 67 vatt gücündə sürətli şarj texnologiyalı 5000 mAh enerji tutumlu batareyanı birləşdirməlidir. Smartfonun yaxın zamanda təqdim olunacağı gözlənilir.