Orta büdcəli Google Pixel 9a təqdim edilib - QİYMƏTİ

     Google rəsmi şəkildə yeni orta büdcəli smartfonunu təqdim edib. Söhbət, Google Pixel 9a-dan gedir. Bu yeni smartfon adi Pixel 9 modelinin dizaynını təkrarlasa da, Pixel 9a-nın kamera sahəsi daha kompakt ölçüyə sahibdir. Pixel 9 kimi Pixel 9a da yastı gövdə dizaynını əldə edib. Bu yeni smartfon 120 Hz-lik təsvir yenilənməsinə sahib 2424x1080 piksel keyfiyyətli 6.3 düym ölçülü pOLED ekranla təchiz olunub. Ekranın maksimal parlaqlıq səviyyəsi 1800 nit təşkil edir. Barmaq izi skanı texnologiyası da birbaşa ekrana inteqrasiya edilib.

     Smartfonun gövdəsi IP68 standartı üzrə sudan qorunma özəlliyinə sahibdir. Pixel 9a smartfonu Tensor G4 prosessoru vasitəsilə çalışır və 8 GB RAM ilə 128/256 GB daxili yaddaş həcmini əldə edib. Kameralar mövzusunda smartfon özündə 48 MP + 13 MP ikili arxa kamera ilə 13 MP-lik ön kameranı birləşdirir. Batareyaya gəldikdə isə Pixel 9a 23 vatt gücündə sürətli şarj texnologiyalı 5100 mAh enerji tutumlu batareya ilə təchiz olunub və üstəlik 7.5 vatt gücündə sürətli naqilsiz şarj texnologiyasını dəstəkləyir. Pixel 9a gələn ay satışa çıxacaq və onun qiyməti 499$-dan start götürəcək.

Mənbə: GSMarena

Bənzər xəbərlər

Tech-Biznes

Google bulud təhlükəsizliyi ixtisaslaşan Wiz startapını 30 milyard dollardan baha qiymətə aldı

Google şirkəti bulud təhlükəsizliyi sahəsində həllər üzrə ixtisaslaşan Wiz startapını aldığını elan edib. Əməliyyatın məbləği 32 milyard dollar təşkil edəcək və ödəniş nağd şəkildə həyata keçiriləcək.

Süni İntellekt

Süni zəka əsaslı axtarış Google-dakı ənənəvi "10 mavi link" axtarış formatını öldürüb

Uzun illər boyunca Google-un ənənəvi axtarış formatı - qeyri-rəsmi olaraq "10 mavi keçid" adlandırılan sistem istifadəçilər üçün əsas yanaşma olub. Lakin istifadəçilər süni zəka əsaslı çat-botlara, onların yerinə axtarış aparan alətlərə sürətlə uyğunlaşırlar.

Proqram Təminatı

Android smartfonlarda Google Assistant süni zəka əsaslı Gemini ilə əvəzlənəcək

Google şirkəti elan edib ki, yaxın aylarda Android smartfonlarında standart Google Assistant rəqəmsal köməkçisini yeni süni zəka əsaslı Gemini köməkçisi ilə əvəz edəcək.

Proqram Təminatı

Məşhur çat-botlardan hansıları daha çox konfidensial məlumat yığır?

Çin mənşəli süni zəka modelləri, məsələn, DeepSeek ətrafında artan narahatlıqlara baxmayaraq, yeni bir araşdırma göstərir ki, bu qorxular bəlkə də şişirdilmişdir - ən azından məxfilik baxımından.

Süni İntellekt

Google süni zəka təlimində müəllif hüquqlarının inkar edilməsi ideyasını dəstəkləyib

Google, OpenAI-dən sonra, Donald Trump administrasiyasının süni zəka sahəsində milli "Fəaliyyət Planı" hazırlamaq çağırışına cavab olaraq öz təkliflərini açıqlayıb. Şirkət süni zəkanın təlim prosesində müəllif hüquqlarına dair qaydaların yumşaldılmasını dəstəkləyib.