Orta büdcəli OPPO A6 smartfonu təqdim edilib - QİYMƏTİ

     OPPO şirkəti yeni orta büdcəli smartfonunu təqdim edib. Söhbət, OPPO A6-dan gedir. Bu yeni smartfon orta ölçülü ekranı, MediaTek Dimensity prosessorunu və böyük həcmli batareyanı əldə edib. Beləliklə OPPO A6 smartfonu 120 Hz-lik təsvir yenilənməsinə sahib Full HD+ keyfiyyətli 6.57 düym ölçülü AMOLED ekranla təchiz olunub. Ekranın maksimal parlaqlıq səviyyəsi 1400 nit təşkil edir. Smartfonun gövdəsi IP66/68/69 standartları üzrə sudan və tozdan qorunma özəlliyinə sahibdir.

     Smartfon MediaTek Dimensity 6300 prosessoru vasitəsilə çalışır və 8/12 GB RAM ilə 256/512 GB daxili yaddaş həcmini əldə edib. Kameralar mövzusunda OPPO A6 özündə 50 MP + 2 MP ikili arxa kameranı və 16 MP-lik ön kameranı birləşdirir. Batareyaya gəldikdə isə smartfon 80 vatt gücündə sürətli şarj texnologiyalı 7000 mAh enerji tutumlu batareya ilə təchiz olunub. OPPO A6 artıq Çində satışa çıxıb və onun qiyməti 224$-dan start götürür. Smartfonun digər regionlarda satışa çıxıb-çıxmayacağı bilinmir.