Orta büdcəli Sony Xperia 10 VI smartfonu təqdim edilib - QİYMƏTİ
Cihazlar+
15.05.2024
Emil Nəcəfov
Sony şirkəti Xperia 1 VI flaqman smartfonu ilə yanaşı həmçinin Xperia 10 VI adlı orta büdcəli smartfonunu da təqdim edib. Bu smartfon bəzi texniki göstəricilər baxımından öz rəqiblərindən geri qalsa da, onun gövdəsində sudan qorunma dəstəyi reallaşdırılıb. Bu isə çox zaman flaqman smartfonlarda rast gəlinən bir özəllikdir. Beləliklə Xperia 10 VI smartfonu 60 Hz-lik təsvir yenilənməsinə sahib Full HD+ keyfiyyətli 6.1 düym OLED ekranla təchiz olunub.
Ekran Gorilla Glass Victus qoruyucu şüşəsi ilə əhatə olunub. Smartfonun ekran ətrafı çərçivəsinin yuxarı və aşağı hissələri olduqca qalındırlar. Lakin bununla belə ekran üzərində heç bir çıxıntı yoxdur. Smartfonun gövdəsi IP68 standartı üzrə sudan qorunma özəlliyinə sahibdir və özündə naqilli qulaqlıqlar üçün nəzərdə tutulmuş 3.5 mm-lik audiogirişi birləşdirir. Sony bildirib ki, Xperia 10 VI-nin gövdəsi təkrar emal edilmiş plastik materialdan hazırlanıb.
Sözügedən smartfon Snapdragon 6 Gen 1 prosessoru vasitəsilə çalışır və özündə 8 GB RAM ilə 128 GB (1.5 TB-a kimi microSD dəstəkli) daxili yaddaş həcmini birləşdirir. Kameralar mövzusunda smartfon 48 MP + 8 MP ikili arxa kameranı və 8 MP-lik ön kameranı əldə edib. Batareyaya gəldikdə isə Xperia 10 VI 30 vatt gücündə sürətli şarj texnologiyalı 5000 mAh enerji tutumlu batareyaya sahibdir. Smartfon qutudan Android 14 vasitəsilə çalışır. Sony Xperia 10 VI gələn ayın ortasında satışa çıxacaq və onun qiyməti 400 avro təşkil edəcək.
Linki kopyala
Bənzər xəbərlər
Oxşar xəbərlər
Sony Xperia 1 VI flaqman smartfonu təqdim edilib
Sony Xperia 1 VI flaqman smartfonu təqdim edilib
Sony şirkəti daha öncə də söz verdiyi kimi Xperia seriyasının yeni flaqman smartfonunu təqdim edib. Söhbət, Sony Xperia 1 VI-dən gedir.
Yeni Sony Xperia smartfonlarının təqdimat tarixləri dəyişib
Yeni Sony Xperia smartfonlarının təqdimat tarixləri dəyişib
Bir neçə gün bundan öncə Sony şirkəti yeni Xperia smartfonlarının təqdimatlarını anons etmişdi. Yeni Xperia smartfonlarının təqdimatları 17 may tarixində baş tutmalı idi.
Təqdimata hazırlaşan orta büdcəli Sony Xperia 10 VI smartfonu Geekbench testlərindən keçib
Təqdimata hazırlaşan orta büdcəli Sony Xperia 10 VI smartfonu Geekbench testlərindən keçib
Sony şirkəti Xperia 1 VI flaqman smartfonu ilə yanaşı həmçinin orta büdcəli Xperia 10 VI smartfonunun da təqdimatına hazırlaşır.
Sony Xperia 1 VI flaqman smartfonunun promo materialları təqdim olunub
Sony Xperia 1 VI flaqman smartfonunun promo materialları təqdim olunub
Evan Blass adlı məşhur insayder təqdimata hazırlaşan Sony Xperia 1 VI flaqman smartfonuna dair promo materialları təqdim edib. Təqdim edilmiş promo materiallar sözügedən smartfonun xarici görünüşünü sərgiləyir və onun bəzi texniki özəlliklərini ortaya çıxarıblar.
Yaxın zamanda təqdim olunacaq Sony Xperia 1 VI flaqman smartfonunun render fotoları təqdim edilib
Yaxın zamanda təqdim olunacaq Sony Xperia 1 VI flaqman smartfonunun render fotoları təqdim edilib
Az əvvəl biz, Sony şirkətinin növbəti flaqman smartfonu olacaq Xperia 1 VI-in texniki imkanları barəsində xəbər verdik. İndi isə Android Headlines saytı sözügedən smartfonun keyfiyyətli render fotolarını təqdim edib.
Həftənin xəbərləri
