Pixel 11, Pixel 11 Pro və yeni Fold gəlir

    Google bu gün yeni nəsil Pixel cihazlarını təqdim etməyə hazırlaşır. Şirkətin 12 avqust tarixində Nyu-Yorkda keçirəcəyi tədbirdə əsas diqqətin Pixel 11 seriyasına və Pixel Watch 5-ə yönələcəyi gözlənilir. İlkin məlumatlara görə, tədbirdə Pixel 11, Pixel 11 Pro, Pixel 11 Pro Fold və Pixel Watch 5 təqdim oluna bilər. Google son günlər yeni cihazlarla bağlı müxtəlif tizerlər paylaşsa da, onların bütün texniki xüsusiyyətləri və qiymətləri hələ rəsmi şəkildə açıqlanmayıb.

    Tədbirdə təkcə yeni cihazların deyil, süni intellekt əsaslı yeni funksiyaların da nümayiş etdirilməsi gözlənilir. Google-un Pixel smartfonlarında Gemini və digər AI imkanlarını daha dərindən inteqrasiya etməsi təqdimatın əsas mövzularından biri ola bilər. Nyu-Yorkda keçiriləcək tədbirin aparıcısı məşhur komediyaçı Trevor Noah olacaq. Təqdimatda həmçinin basketbolçu Stephen Curry, podkast aparıcısı Alex Cooper, müğənni PinkPantheress və yaponiyalı aktrisa Ayami Nakajo kimi məşhur simaların iştirak edəcəyi bildirilir.