Logo
    main-post-cover

    Qatlana bilən Honor Magic V3 smartfonunun təqdimatı anons edilib

    Cihazlar+
    02.07.2024
    Emil
         Honor şirkəti yeni qatlana bilən smartfonunun təqdimatını anons edib. Söhbət, Honor Magic V3-dən gedir. Şirkətin təqdim etmiş olduğu posterə əsasən Honor Magic V3 smartfonu 12 iyul tarixində Çində təqdim olunacaq. Gözləntilərə əsasən sözügedən smartfon bazarın ən nazik qatlana bilən smartfonu olacaq. Smartfon özündə iki ədəd OLED ekranı birləşdirməli və Snapdragon 8 Gen 3 prosessoru vasitəsilə çalışmalıdır.
         Onu da qeyd etmək lazımdır ki, şirkət 12 iyul tarixində bir ədəd qatlana bilən smartfonla yetinməyəcək. Belə ki, şirkət Honor Magic V3 ilə yanaşı Honor Magic Vs3 adlı daha bir qatlana bilən smartfonunu da təqdim edəcək. Bu barədə məlumat məhz posterdə əks olunub. Gözləntilərə əsasən ikinci qatlana bilən smartfon Honor Magic V3-ün bir qədər sadələşdirilmiş versiyası olacaq. Üstəlik posterə əsasən 12 iyul tarixində bu smartfonlardan əlavə olaraq Honor şirkəti MagicPad 2 planşetini və MagicBook Art 14 noutbukunu təqdim edəcək.
    Paylaş