Samsung Galaxy S23 FE-nin fotoları ortaya çıxıb

    Samsung şirkətinin bu il ərzində Galaxy S23 FE smartfonunu təqdim edəcəyi gözlənilir. İndi isə məlum olub ki, sözügedən smartfon Çinin TENAA adlı telekommunikasiya agentliyində sertifikatlaşdırmadan keçib. Bununla da Galaxy S23 FE-nin mövcudluğu təsdiqlənmiş oldu. Bununla yanaşı smartfonun fotoları və bəzi digər məlumatları ortaya çıxıb. Beləliklə ortaya çıxmış fotolara əsasən Galaxy S23 FE smartfonu xarici görünüşcə adi Galaxy S23-ün kopyası olacaq.

    Smartfon yastı ekran ilə təchiz olunacaq və ekranın yuxarı mərkəz hissəsində ön kamera üçün nəzərdə tutulmuş kiçik dairəvi çıxıntı yerləşəcək. Smartfonun arxa panelində isə 3 ədəd kamera mövcud olacaq. Məlumata əsasən Galaxy S23 FE modeli 2340x1080 piksel keyfiyyətli 6.3 düym OLED ekran, 8 GB RAM, 128/256 GB daxili yaddaş həcmi, 50 MP + 12 MP + 8 MP üçlü arxa kamera, 10 MP-lik ön kamera və 4370 mAh enerji tutumlu batareya ilə təchiz olunacaq. Prosessor mövzusuna gəldikdə isə smartfon satılacağı regiondan asılı olaraq ya Snapdragon 8 Gen 1 ya da Exynos 2200 prosessoru ilə təchiz olunacaq.