Samsung Galaxy S24 smartfonlarının satış qiymətlərində artım ola bilər

    Bir neçə gün bundan öncə Digital Chat Station ləqəbli məşhur insayder məlumat vermişdi ki, Qaulcomm-un  növbəti flaqman prosessoru olacaq Snapdragon 8 Gen 3-ün baha qiymətə satılacağı səbəbilə bir sıra smartfon istehsalçısı öz cihazlarında onu digər prosessorlarla əvəzləyə bilər. Paralel olaraq Samsung-un təqdim etmiş olduğu yarımillik hesabatda bu ilin birinci rübündə prosessorların qiymətlərində 30%-lik artım müşahidə olunduğu qeyd edilib.

    Prosessorlara olan xərclərin nisbəti cihazların modellərindən asılıdır və adətən 10-20% arasında dəyişir. Bu isə o deməkdir ki, əgər keçən ilki Galaxy Z Fold 4-də prosessorun qiyməti 140$ idisə, Galaxy Z Fold 5-də prosessorun qiyməti artıq 180$ təşkil edib. Bu məlumatlara əsaslanaraq insayderlər bildiriblər ki, gələn ilin əvvəlində təqdim ediləcək Galaxy S24 smartfon seriyasına daxil olacaq modellərin satış qiymətlərində artım ehtimalı yüksəkdir.