Gələn ilin əvvəlində təqdim olunacaq Samsung Galaxy S24 Ultra barəsində məlumatlar internetdə ortaya çıxmağa davam edirlər. İnsayderlər sözügedən smartfonun texniki göstəriciləri barəsində növbəti məlumatları açıqlayıblar. Beləliklə onların sözlərinə əsasən Galaxy S24 Ultra smartfonu 120 Hz-lik təsvir yenilənməsinə sahib Quad HD+ keyfiyyətli 6.8 düym Dynamic AMOLED ekran ilə təchiz olunacaq.

    Bununla yanaşı smartfonun gövdəsi özündə titan materialdan hazırlanmış çərçivələri birləşdirəcək. Smartfon Snapdragon 8 Gen 3 prosessoru vasitəsilə çalışacaq və özündə 200 MP + 50 MP + 50 MP + 12 MP dördlü arxa kameranı, 12 MP-lik ön kameranı və 45 vatt gücündə sürətli şarj texnologiyalı 5000 mAh enerji tutumlu batareyanı birləşdirəcək. İnsayderlər bildiriblər ki, Galaxy S24 Ultra OneUI 6 interfeysli Android 14 vasitəsilə çalışacaq.