Samsung Galaxy S25 Edge-in gövdəsinin hansı materialdan təşkil olunduğu açıqlanıb

     Samsung yeni Galaxy S25 Edge smartfonunu keçən ayın sonunda keçirilmiş Galaxy Unpacked 2025 tədbirində anons etdi. Tədbirdən sonra Galaxy S25 Edge nümayiş olunsa da, həmin vaxt heç kimə cihazı əllə yoxlamağa icazə verilməmişdi. İndi isə Sammobile saytı cihazın gövdəsinin hansı materialdan hazırlandığını açıqlayıb. Məlumata görə, Galaxy S25 Edge modelinin gövdə ətrafı çərçivəsi alüminiumdan hazırlanıb, lakin arxa panelin möhkəmliyini artırmaq üçün keramik materialdan istifadə edilib.

     Hələlik arxa panelin tamamilə keramika olub-olmadığı və ya əridilmiş keramik materialla örtülmüş şüşə versiyası olduğu məlum deyil. Samsung-un bunu cihazın çəkisini azaltmaq üçün etdiyinə dair ehtimallar da var. İddialara görə Galaxy S25 Edge smartfonunun gövdə qalınlığı cəmi 5.84 mm təşkil edəcək. Bunun olacağı halda o, Samsung-un ən incə smartfonu ola bilər. Lakin şirkət hələ bunu rəsmi olaraq təsdiqləməyib.

     Samsung-un Galaxy S25 Edge modelinin tam təqdimatını nə zaman keçirəcəyi dəqiq bilinmir. Bu, martın ilk həftəsində keçiriləcək MWC 2025 sərgisi çərçivəsində də baş tuta bilər. Son məlumat sızıntılarına əsasən smartfon 6.7 düym ölçülü ekranla və 3900 mAh enerji tutumlu batareya ilə təchiz olunacaq. Batareya öz növbəsində 25 vat gücündə sürətli şarj texnologiyasının dəstəyinə sahib olmalıdır. Gözləntilərə əsasən Galaxy S25 Edge smartfonu Snapdragon 8 Elite prosessorunun 7 nüvəli versiyası vasitəsilə çalışacaq.

Mənbə: Sammobile

Bənzər xəbərlər

Cihazlar+

Büdcəli Samsung Galaxy A06 5G təqdim edilib - QİYMƏTİ

Bir neçə müddət ərzində olmuş müxtəlif məlumat sızıntılarından sonra Samsung şirkəti öz yeni büdcəli smartfonu olan Galaxy A06 5G-ni təqdim edib.

Cihazlar+

Samsung Odyssey G81SF gaming monitoru təqdim edilib - QİYMƏTİ

Samsung şirkəti öz yeni gaming monitorunu təqdim edib. Şirkətin yeni gamin gmonitoru Samsung Odyssey G81SF adlanır.

Cihazlar+

Samsung ardıcıl 19-cu il dünya televizor bazarının lideri olub

Samsung 2024-cü ilin nəticələrinə əsasən ardıcıl 19-cu il dünya televizor bazarının lideri olub. Şirkət premium seqmentdə, ultra-böyük ekranlı modellərdə və QLED televizor bazarında birinci yeri tutub.

Cihazlar+

Statistika: Alıcıların çoxu premium smartfonlara üstünlük verməyə başlayıb

2024-cü ildə dünya üzrə satılmış smartfonların təxminən 25%-i 600$ və daha yüksək orta topdan satış qiymətinə malik olub. Counterpoint Research-ün yeni məlumatları göstərir ki, premium cihazlara tələbat artır və getdikcə daha çox insan bahalı smartfonlar almağa üstünlük verir.

Proqram Təminatı

Köhnə Samsung smartfonlarında OneUI 7.0 yalnız bir neçə aydan sonra istifadəyə veriləcək

Samsung şirkəti OneUI 7.0 istifadəçi interfeysinin əlavə beta versiyalarını təqdim etməyi planlaşdırır. Beşinci beta versiya martda, altıncı beta versiya isə apreldə istifadəyə verilməlidir.