Keçən həftə Sony şirkəti Xperia 1 V və Xperia 10 V smartfonlarını təqdim etmişdi. İndi isə görünür, şirkət Xperia Pro-I smartfonunun davamçısı üzərində çalışır. İnsayderlərin sözlərinə əsasən Xperia Pro-I smartfonunun davamçısı özündə Exmor-T adlı 3 ədad kamera sensorunu birləşdirəcək. Gözləntilərə əsasən smartfonun əsas arxa kamerası 1 düym ölçüsündə olacaq. Smartfon barəsində digər bir məlumat yoxdur. Lakin güman etmək olar ki, Xperia Pro-I smartfonunun davamçısı 120 Hz-lik təsvir yenilənməsinə sahib OLED ekran ilə təchiz olunacaq və Snapdragon 8 Gen 3 prosessoru vasitəsilə çalışacaq. Bəzi məlumatlara əsasən smartfonu yaxın zamanda gözləmək lazım deyil. Belə ki, Sony onu gələn ilin əvvəlində təqdim edə bilər.