Təqdimata hazırlaşan ASUS ROG Phone 8 Pro-nun render fotoları ortaya çıxıb
Artıq məlumdur ki, ASUS şirkəti 16 yanvar tarixində ROG Phone 8 smartfon seriyasını təqdim edəcək. Sözügedən seriyaya ROG Phone 8 və ROG Phone 8 Pro modelləri daxil olacaqlar. İndi isə Mysmartprice saytı ROG Phone 8 Pro-nun render fotolarını təqdim edib. Beləliklə təqdim edilmiş render fotolardan görmək olar ki, ROG Phone 8 Pro smartfonu yastı ekranı və ekran üzərində kiçik dairəvi çıxıntını əldə edəcək. Smartfonun arxa panelində 3 ədəd kamera obyektivi yerləşəcək. Son məlumat sızıntılarına əsasən ASUS ROG Phone 8 Pro smartfonu 165 Hz-lik təsvir yenilənməsinə sahib Full HD+ keyfiyyətli 6.78 düym AMOLED ekran, Snapdragon 8 Gen 3 prosessoru və 65 vatt gücündə sürətli şarj texnologiyalı 5500 mAh enerji tutumlu batareya ilə təchiz olunacaq.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
