Təqdimata hazırlaşan ASUS Zenfone 12 Ultra smartfonu Geekbench testlərindən keçib

     Biz biraz əvvəl xəbər verdik ki, ASUS şirkəti növbəti flaqman smartfonu olacaq ASUS Zenfone 12 Ultra-nın təqdimatını anons edib. Sözügedən smartfon 6 fevral tarixində təqdim ediləcək. İndi isə məlum olub ki, bu smartfon Geekbench testlərindən keçib. Bunun sayəsində smartfon barəsində bəzi təfərrüatlar ortaya çıxıb. Beləliklə Geekbench-in məlumatlar bazasına əsasən ASUS Zenfone 12 Ultra smartfonu Snapdragon 8 Elite prosessoru vasitəsilə çalışacaq. Geekbench testlərindən smartfonun 16 GB RAM-a sahib versiyası keçib. Bununla yanaşı Geekbench sayəsində məlum olub ki, bu yeni smartfon qutudan Android 15-i əldə edəcək. Beləliklə smartfon Geekbench-in bir nüvəli testi çərçivəsində 3036 xal, çox nüvəli testi çərçivəsində isə 9656 xal toplayıb.