Xiaomi şirkəti aylar ərzində olmuş müxtəlif məlumat sızıntılarından sonra Xiaomi 13T smartfon seriyasının təqdimatını anons edib. Şirkətin rəsmi anonsuna əsasən Xiaomi 13T smartfon seriyası 26 sentyabr tarixində təqdim ediləcək. Təqdimat tədbiri Berlində baş tutacaq. Qeyd etmək lazımdır ki, Xiaomi-nin yeni smartfon seriyasına iki model daxil olacaq. Xiaomi 13T və Xiaomi 13T Pro. Hər iki smartfonun 144 Hz-lik təsvir yenilənməsinə sahib Full HD+ keyfiyyətli 6.67 düym OLED ekranla təchiz olunacağı gözlənilir. Adi Xiaomi 13T modelinin MediaTek Dimensity 8200 prosessoru, Xiaomi 13T Pro modelinin isə Dimensity 9200+ prosessoru vasitəsilə çalışacağı güman edilir.