Logo
    main-post-cover

    Yeni məlumat sızıntısı Google Pixel 9a-nın texniki imkanlarını ortaya çıxarıb

    Cihazlar+
    30.10.2024
    Emil
         Google şirkətinin orta büdcəli Google Pixel 9a smartfonunu gələn ilin mart ayında təqdim edəcəyi gözlənilir. İndi isə internetdə sözügedən smartfonun texniki özəllikləri barəsində məlumatlar ortaya çıxıb. Beləliklə ortaya çıxmış məlumatlara əsasən Pixel 9a smartfonu 120 Hz-lik təsvir yenilənməsinə sahib 6.3 düym ölçülü AMOLED ekranla təchiz olunacaq. Müqayisə üçün qeyd etmək lazımdır ki, Pixel 8a smartfonu 6.1 düym ölçülü ekrana sahibdir.
         Məlumatda qeyd edilib ki, smartfon Tensor G4 prosessoru vasitəsilə çalışacaq və 8 GB RAM ilə 128/256 GB daxili yaddaş həcmini əldə edəcək. Kameralar mövzusunda Pixel 9a smartfonu 48 MP + 13 MP ikili arxa kameranı və 13 MP-lik ön kameranı əldə etməlidir. Batareyaya gəldikdə isə məlumata əsasən smartfon 18 vatt gücündə sürətli şarj texnologiyalı 5000 mAh enerji tutumlu batareya ilə təchiz olunacaq və üstəlik 7.5 vatt gücündə sürətli naqilsiz şarj texnologiyasını dəstəkləyəcək.
    Paylaş