Strategy Analytics şirkətinin tədqiqatlar üzrə direktoru Neil Mawston-un sözlərinə əsasən Apple şirkətinin nəticə etibarilə qatlana bilən cihazlar konsepsiyasının bazarda mövqelərini gücləndirməyə yardımçı olub-olmayacağı və ya onun bu ideyadan ümumiyyətlə imtina edəcəyi tam aydın deyil.

    “Apple qatlana bilən cihazlar bazarını qurmağı və ya məhv etməyi mümkün edəcək imkanlara sahibdir. Əgər Apple qatlana bilən smartfonlar bazarı üçün hazır olmayan qatlana bilən smartfonu vaxtından tez təqdim etsə, bu, iPhone seriyasını ümumilikdə məhv edə bilər. Bu bazarın mənfəət göstəricilərinin 10 milyardlarla dollara çatacağı 2025-ci ilə qədər Apple bazara qatlana bilən smartfonu satışa çıxartmasa, deməli narahat olmaq üçün əsaslı səbəblər olacaq” - deyə Neil Mawston qeyd edib.

    Google şirkəti öz ilk qatlana bilən smartfonu Pixel Fold-u təqdim edəndən sonra Apple mobil cihazlar bazarında lider şirkətlər arasında qatlana bilən cihaza sahib olmayan yeganə təmsilçi oldu. Məlumata əsasən şirkət qatlana bilən iPhone üzərində işlərə bir neçə il bundan öncə start verib. Lakin şirkət onun təqdim edilməsinə tələsmir. Bu cür strategiya Apple üçün bir ilk deyil. Belə ki, şirkətlər arasında yeni məhsulların təqdim edilməsi məsələsində tələsməyən şirkət kimi məhz Apple tanınır.