2024-cü ildə dünyanın ən böyük elektromobil istehsalçısı BYD olub

     Tesla artıq dünyanın ən böyük elektromobil istehsalçısı deyil. 2024-cü ildə bu şirkət ümumilikdə 1 773 443 ədəd elektromobil istehsal edib. Lakin digər bir istehsalçı bu mövzuda Tesla-nı geridə qoymağı bacarıb. Söhbət, Çinin BYD şirkətindən gedir. Belə ki, BYD şirkəti 2024-cü ildə ümumilikdə 1 777 965 ədəd elektromobil istehsal edib. Şirkətlər arasında fərq sadəcə 4522 ədəd elektromobil təşkil edir. Lakin bu, Tesla üçün heç də yaxşı bir xəbər deyil. Belə ki, Elon Musk-ın şirkəti 2023-cü ildə 1.85 milyon ədəd elektromobil istehsal etdiyi halda BYD şirkəti 1.6 milyon ədəd elektromobil istehsal etmişdi.

     2024-cü il bu iki şirkət üçün fərqli keçib. Belə ki, 2024-cü ilin ilk iki rübündə Tesla satışlarında düşüş müşahidə edildi. Lakin ilin ikinci yarısında şirkət əvvəlki satış tempinə qayıda bildi. BYD isə öz növbəsində keçən il istehsal və satış həcmini 12% genişləndirə bildi. Qeyd etmək lazımdır ki, elektromobillər BYD biznesinin yalnız bir hissəsini təşkil edir. Məsələ burasındadır ki, şirkət üstəlik hibrid avtomobillərin və avtobusların istehsalı ilə də məşğuldur. Məlumata əsasən keçən il BYD-nın nəqliyyat vasitələri satışı ümumilikdə 41% yüksəldi. Əsas sual BYD şirkətinin 2025-ci ildə öz mövqeyini qoruya bilib-bilməyəcəyi ilə bağlıdır. Çin dövləti yerli elektromobil istehsalçılarını dəstəkləməyə davam edir. Lakin Avropa Birliyi ilə ABŞ buna cavab olaraq Çin nəqliyyat vasitələri üçün yüksək vergilər təyin etdilər.

Bənzər xəbərlər

Elm & Texnologiya

BYD şirkəti insanabənzər robotların hazırlanmasına istiqamətlənib

Dünyanın ən böyük elektromobil istehsalçılarından biri olan BYD özünün 15-ci biznes şöbəsi əsasında süni zəka əsaslı məhsulların hazırlanmasına istiqamətlənmiş xüsusi laboratoriyanı formalaşdırıb.

Tech-Biznes

Elon Musk sərvəti 400 milyard dolları keçən ilk insan kimi adını tarixə yazdırıb!

Elon Musk 400 milyard dollarlıq sərvəti keçərək bunu bacaran ilk insan kimi tarixə düşüb. Bəs Musk bu rəqəmə necə nail olub?

Nəqliyyat

Sürücüsüz Tesla Cybercab-ın Model 3-ün sadəcə yarısı qədər parçaya sahib olduğu ortaya çıxıb!

Tesla-nın bir müddət əvvəl təqdim etdiyi tamamilə sürücüsüz elektrik avtomobili Cybercab ilə bağlı yeni detallar paylaşılıb. Verilən məlumatlara görə, Tesla Cybercab, Model 3-ün cəmi yarısı qədər parçaya sahibdir.

Nəqliyyat

Tesla-nın Model Q adlı yeni elektromobili barəsində məlumatlar ortaya çıxıb

Tesla rəsmisi bir neçə müddət bundan öncə şirkət investorları ilə görüş çərçivəsində Model Q adlı yeni elektromobil barəsində bəzi məlumatlar verib.

Nəqliyyat

Tesla Cybercab-ın salonu sərgilənib (VİDEO)

Tesla şirkəti oktyabr ayında Cybercab adlı pilotsuz taksini təqdim etdi. İndi isə Elon Musk özünün X (keçmiş Twitter) hesabında bu pilotsuz taksinin salonunu sərgiləyən videonu bölüşüb.