BYD 3000 at gücündən daha güclü elektrikli hiperkarı satışa çıxartmağa hazırlaşır

     Elektrik mühərriklərinin fırlanma momenti xüsusiyyəti, hətta “mülki” elektromobillərə gündəlik istismarda təsirli dinamika verir və demək olar ki, istənilən istehsalçıya idman avtomobili istehsal etməyə imkan yaradır. BYD Çində 3000 at gücündən çox gücə malik Yangwang U9 Track Edition hiperkarını qeydiyyata alıb. Belə bir elektromobilin Çinin tənzimləyici kataloqunda kifayət qədər ətraflı illüstrasiyalarla birlikdə yer alması, onun buraxılışının qaçılmaz olduğuna demək olar ki, şübhə yeri qoymur. Track Edition modifikasiyasının əsasında elektrikli idman avtomobili Yangwang U9 dayanır, lakin onun güc qurğusunun gücü 960 kVt-dan 2220 kVt-a qədər 2 dəfədən çox artırılıb.

     Ənənəyə uyğun olaraq, 4 təkərin hər biri öz elektrik mühərriki ilə hərəkətə gətirilir və bu U9 modifikasiyasında hər mühərrikin gücü 555 kVt-a çatır. Avtomobil mütəxəssislərinin daha yaxşı anladıqları ölçülərlə bu, ümumi 3019 at gücü deməkdir. Qeyd edək ki, maksimal sürət standart 350 km/saat ilə məhdudlaşdırılıb və gücün artırılmasının əsas məqsədi yəqin ki, sürətlənmə dinamikasını yaxşılaşdırmaqdır. Görünür, BYD sadəcə Xiaomi-nin idman traslarındakı nailiyyətlərini ötüb keçmək və dünyaya “ən sürətli elektromobil”i təqdim etmək istəyir.

     Qeyd etmək lazımdır ki, hətta Yangwang U9-un adi versiyası belə 392 km/saat sürət yığa bilib, buna görə də daha güclü variantın sələfinin nəticəsini üstələməsi gözlənilir. Belə bir elektromobilin bazara nə vaxt çıxacağı və hansı qiymətə satılacağı hələlik məlum deyil, lakin Yangwang U9-un adi versiyası Çində 231 000$-a təklif olunur. Bu, gücü oxşar olan Lotus və Rimac elektrik hiperkarları ilə müqayisədə bir neçə dəfə ucuzdur, buna görə də Track Edition versiyasının alıcılar uğrunda rəqabətdə üstünlüyü məhz daha aşağı qiyməti hesabına qazana bilmə şansı böyükdür.