'Lucy 2' və 'Taxi 5' filmləri gəlir

Məlumata əsasən bu cür qərar əsasən EuroCorp studiyasının siyasətinin dəyişilməsindədir. Belə ki, Besson-un sonuncu filmi olan “Valerian and the City of Thousand Planets”in uğursuz olması səbəbilə studiya, az büdcəli filmlərin çəkilməsinə qərar verib. Güman olunur ki, studiya, ingilis dilli izləyicilər üçün nəzərdə tutulmuş kiçik fantastik filmlərin çəkilməsi ilə məşğul olacaq.

Bu cür filmlərdən biri də “Lucy 2” olacaq. İkinci hissədə aktrisa Scarlett Johansson-un oynayacağı hələki bilinmir. Qeyd etmək lazımdır ki, “Lucy” filmi, 2014-cü ildə böyük ekranlara çıxmışdı. Film, narkotik vasitə sayəsində öz beynini 100% işə salaraq qeyri-adi bacarıqlara sahib olan qızdan bəhs edirdi. 40 milyon dollar büdcə ilə çəkilmiş film, ümumilikdə 460 milyon dollar gəlir gətirmişdir.

“Valerian and the City of a Thousand Planets” filmi isə 177 milyon dollar büdcə ilə çəkilmiş və ümumilikdə 223 milyon dollar gəlir gətirərək maliyyə cəhətdən uğursuz oldu. Qeyd etmək lazımdır ki, Luc Besson həmçinin paralel olaraq “Taxi 5” filmi üzərində də çalışır.