Rocky Adonis ilə yeni raunda hazırlaşır: Creed 2 filminin ilk traileri

Əfsanəvi Apollo Creed-in oğlu Adonis Creed öz məşqçisi Rocky ilə yeni həyat dramlarını yaşamaq üçün yenidən rinqə qayıdırlar. Lakin bu dəfə Adonis-i daha çətin sınaq gözləyir. Çünki bu dəfə onun rinqdəki rəqibi illər öncə atasını döyüş zamanı öldürmüş Ivan Drago-nun oğlu olacaq. Rejissoru Steven Caple Jr.-ın olduğu filmdə baş rolları Sylvester Stallone, Michael B. Jordan, Tessa Thompson, Dolph Lundgren və digərləri canlandırıblar. Creed 2 filminin premyerası bu ilin Noyabr ayında baş tutacaq.