Android 15-də 5 yeni təhlükəsizlik funksiyası istifadəyə veriləcək
Proqram Təminatı
16.05.2024
Emil Nəcəfov
Google şirkəti Android 15 üçün nəzərdə tutulmuş 5 yeni təhlükəsizlik funksiyasını anons edib. Anons edilmiş təhlükəsizlik funksiyaları istifadəçi məlumatlarının qorunmasına və smartfonun fiziki şəkildə oğurlanmasını mənasız etməyə hədəfləniblər. Birinci funksiya Theft Detection Lock adlanır. Bu funksiya fon rejimində çalışır və o, smartfonun şübhəli hərəkətlərini təyin edə bilir. Məsələn əgər oğru sizin smartfonunuzu götürüb qaçmağa başlasa, Theft Detection Lock adlı funksiya bunu təyin edəcək və smartfon bloklanacaq. Beləliklə sizin məlumatlarınız oğrunun əlinə keçməyəcək.
İkinci təhlükəsizlik funksiyası Remote Lock adlanır. Bu funksiya vasitəsilə istifadəçi distant şəkildə öz smartfonunu bloklaya biləcək. Bunun üçün sadəcə olaraq telefon nömrəsini bilmək kifayət edəcək. Söhbət, smartfonun standart bloklanması imkanından gedir. Hal-hazırda bənzər prosesi Google Find My Device tətbiqi üzərindən reallaşdırmaq mümkündür. Lakin Google Find My Device tətbiqi halında istifadəçi öz Google hesabının şifrəsini bilməlidir. Üçüncü təhlükəsizlik funksiyası Offline Device Lock adlanır. Sözügedən funksiya smartfonun internet bağlantısının kəsildiyi halda ekranının bloklanmasını reallaşdırır. Qeyd etmək lazımdır ki, smartfon oğrularının çox zaman atdıqları ilk addım məhz oğurladıqları smartfonlarının şəbəkə imkanlarını deaktiv etməkdir.
Dördüncü təhlükəsizlik funksiyasının adı qeyd edilməsə də onun çalışma prinsipi məlumdur. Məlumata əsasən dördüncü təhlükəsizlik funksiyası hətta smartfon ayarlarının sıfırlandığından sonra da istifadəçinin Google hesabının şifrəsini tələb edəcək. Üstəlik Android 15-də bu cür yoxlanışdan keçmədən Google Find My Device funksiyasını deaktiv etmək mümkün olmayacaq. Beşinci təhlükəsizlik funksiyası PIN kod vasitəsilə əlavə yoxlanışı əhatə edir. Sistem PIN kodu smartfonun müəyyən ayarlarının dəyişdirilmə cəhdi halında tələb edəcək. Bu cür ayarlara misal olaraq oğurlama funksiyasının deaktiv edilməsini və ekran blokununun şifrəsinin dəyişdirilməsini gətirmək olar. Bütün bu təhlükəsizlik funksiyaları Android 15-in stabil versiyasında istifadəyə veriləcək.
Linki kopyala
Bənzər xəbərlər
Oxşar xəbərlər
Google-un süni intellekti, fırıldaqçılar zənglə şəxsi məlumatlarınızı soruşmaq istədikdə sizə xəbərdarlıq edəcək!
Google-un süni intellekti, fırıldaqçılar zənglə şəxsi məlumatlarınızı soruşmaq istədikdə sizə xəbərdarlıq edəcək!
Google, istifadəçiləri saxta zənglər barədə xəbərdar edəcək xüsusiyyəti Android-ə gətirməyi planlaşdırdığını açıqlayıb. Sistem, süni intellektin dəstəyi ilə zəng zamanı şübhəli söhbətləri aşkar edə biləcək.
Google, Trillium adlı yeni nəsil süni intellekt TPU-larını təqdim edib!
Google, Trillium adlı yeni nəsil süni intellekt TPU-larını təqdim edib!
Google, I/O çərçivəsində, proqram təminatı ilə yanaşı, süni intellekt üçün avadanlıqlarını da təqdim edib. Bu kontekstdə şirkət Cloud TPU-nun altıncı nəsli Trillium-nu rəsmi olaraq sərgiləyib.
Tezliklə smartfonlara toxunmadan sadəcə üzünüzlə tətbiqləri idarə edə biləcəksiniz!
Tezliklə smartfonlara toxunmadan sadəcə üzünüzlə tətbiqləri idarə edə biləcəksiniz!
Google, ilk dəfə keçən il təqdim etdiyi və üzünüzü mouse-yə çevirdiyi “Project Gameface” texnologiyasını Android-ə gətirir. Həmçinin tərtibatçılar da bu texnologiyanı ehtiva edən tətbiqləri hazırlaya biləcəklər.
Google şirkəti Gemini 1.5 Flash adlı yeni süni zəka modelini təqdim edib
Google şirkəti Gemini 1.5 Flash adlı yeni süni zəka modelini təqdim edib
Google şirkəti özünün Gemini adlı süni zəka modelləri portfoliosunu genişləndirməyə davam edir.
Google foto tərtibatı üçün Imagen 3 adlı ən güclü süni zəka sistemini təqdim edib
Google foto tərtibatı üçün Imagen 3 adlı ən güclü süni zəka sistemini təqdim edib
Google şirkəti hal-hazırda keçirilən Google I/O 2024 konfransı çərçivəsində özünün fotoların tərtibatı üçün nəzərdə tutulmuş ən güclü süni zəka sistemini təqdim edib.
Həftənin xəbərləri
