Chrome brauzerinin müəyyən Apple cihazlarında dəstəyi dayandırılacaq

     Məlum olub ki, hazırda Google tərəfindən sınaqdan keçirilən Chrome internet brauzerinin növbəti versiyası Apple iOS 16 əməliyyat sistemi ilə işləyən cihazları dəstəkləməyəcək. Bu o deməkdir ki, brauzer iPhone X və iPhone 8 kimi köhnə modellərdə əlçatan olmayacaq. Eyni şəkildə, Chrome 138.7204.13 versiyasının düzgün işləməsi üçün iPadOS 17 və ya ondan daha yeni versiya tələb olunur. Bu isə o deməkdir ki, Google Chrome-un növbəti versiyası iPad 5, 9.7 düymlük iPad Pro və birinci nəsil 12.9 düymlük iPad Pro modellərini dəstəkləməyəcək. Hazırda qeyd olunan Chrome internet brauzerinin versiyası beta-test mərhələsindədir və tətbiqin sabit versiyasının dəqiq buraxılış tarixi hələ açıqlanmayıb. Brauzerə iPad-də qovluqların qruplaşdırılması, iPhone və iPad-də Google Password Manager ilə sinxronizasiya, eləcə də tətbiqin ümumi məhsuldarlığını və sabitliyini artırmaq məqsədi daşıyan bir sıra təkmilləşdirmələr əlavə olunub.