Google Chrome-da 3 yeni süni zəka funksiyası istifadəyə veriləcək

     Google özünün Chrome brauzerində 3 yeni funksiyanın testinə start verib. Sözügedən yeni funksiyalar süni zəka alqoritmləri əsasında çalışsalar da, internetdə axtarış üçün nəzərdə tutulmayıblar. Yeni funksiyalar brauzerdən gündəlik istifadə ssenarilərində istifadəçi təcrübəsinin yaxşılaşdırılmasına hədəfləniblər. Beləliklə birinci funksiya “Organize tabs” adlanır. Bu funksiya süni zəka alqoritmlərindən istifadə edərək oxşar mövzulara sahib qovluqları bir qovluq qrupunda birləşdirir. Bunun üçün istifadəçi hər hansısa qovluq üzərində mouse-un sağ düyməsini klikləyərək “Organizing into a tab group” bəndini seçməlidir.

     İkinci funksiya brauzerin temalar mağazasını əhatə edir. Belə ki, istifadəçi lazımi fotonu, tərtibat tərzini, rəngi və digər parametrləri seçərək brauzer tərəfindən avtomatik şəkildə tərtib edilmiş görüntü temasını əldə edəcək. Üçüncü funksiya “Help Me Write” adlanır. Sözügedən funksiya veb saytlarda mətnlərin daxil edilməsi üçün nəzərdə tutulmuş istənilən sahədə çalışır. Bu funksiya çərçivəsində süni zəka alqoritmi istifadəçidən nəyin yazılmalı lazım olduğunu soruşacaq. İstifadəçi öz növbəsində müəyyən mövzunu təqdim edəndən sonra sistem həmin mövzu ətrafında yazını tərtib edəcək. Bu funksiya elektron məktubların yazılmasında faydalı ola bilər. Sözügedən funksiyalar Chrome brauzerinin stabil versiyasında yaxın zamanda istifadəyə verilməlidir.

Bənzər xəbərlər

Cihazlar+

Google Pixel 9 Pro-nun render fotoları təqdim edilib

Google keçən ilin oktyabr ayında Google Pixel 8 smartfon seriyasını təqdim etmişdi.

Cihazlar+

Google Pixel Watch 3 smart saatı müxtəlif gövdə ölçülərinə sahib olacaq

Samsung Galaxy Watch 6, Watch 6 Classic və Apple Watch Series 9 smart saatlarının hər biri iki gövdə ölçüsündə satılır.

Proqram Təminatı

Google Lens tətbiqi süni zəka əsasında cavabların tərtibatı funksiyasını əldə edib

Google şirkəti özünün Google Lens tətbiqi üçün genişləndirilmiş vizual axtarış imkanını anons edib.

Proqram Təminatı

Google Chrome brauzerinin Incognito rejimində istifadəçiləri izlədiyini etiraf edib

Chrome brauzerinin Incognito adlı rejimi brauzer tarixçəsində heç bir iz qoymadan saytlara baxış imkanını verir.

Proqram Təminatı

Chrome brauzerinin mobil versiyası yeni konfidensiallıq ayarını əldə edəcək

Google tərtibatçıları Android istifadəçilərinin məlumatlarının konfidensiallıq səviyyələrini yüksəltməyə davam edirlər.