Google Gemini üçün yeni video imkanlar anons edilib (VIDEO)
Proqram Təminatı
04.03.2025
Emil
Google MWC 2025 sərgisində Project Astra funksiyalar duetini təqdim edib. Mart ayından etibarən Gemini süni zəka köməkçisinin istifadəçiləri smartfon ekranlarını ona göstərə və ya kamera vasitəsilə video yayımlaya biləcəklər. Android-dəki Gemini interfeysində yeni bir düymə əlavə olunacaq - "Share screen with Live". Bu düymə "Ask Gemini" mətn sahəsinin üstündə yerləşəcək. İstifadəçi ekran görüntüsünü süni zəka köməkçisinə açdıqda, telefon zəngi interfeysinə yönləndiriləcək və Gemini ilə birbaşa dialoqa başlaya biləcək.
Ekrandakı məzmunla bağlı suallar vermək və real vaxt rejimində tam şəkildə ünsiyyət qurmaq mümkün olacaq. Gemini Live tam ekran rejimində istifadə edilə biləcək və ekran paylaşım düyməsinin yanında yeni bir video yayım düyməsi yerləşdiriləcək. Bu funksiya videonu demək olar ki, bütün ekran boyunca yayımlamağa imkan verəcək. Bundan əlavə, Google Gemini Live interfeysində bəzi vizual dəyişikliklər edib - düymələrin ölçüsü bir qədər azaldılıb, əvvəlki dairəvi formadan çıxaraq üfüqi istiqamətdə daha yığcam hala gətirilib.
Bu funksiyalar haqqında Google ilk dəfə keçən ilin may ayında Google I/O 2024 konfransında məlumat verib. Daha sonra dekabrda keçirilən Gemini 2.0 təqdimatında daha ətraflı izah edilib və yanvarda Samsung Galaxy S25 smartfonlarının təqdimatında bəzi imkanlar nümayiş etdirilib. Gemini Live funksiyalarını ilk olaraq mart ayında Android cihaz sahibləri və Gemini Advanced abunəçiləri istifadə edə biləcəklər.
Mənbə: Google
Paylaş
Ən çox oxunanlar
Azercell-in eksklüziv tərəfdaşlığı ilə “Bakı Marafonu 2025” baş tutdu
