Google Messages-də göndərilmiş mesajların silinməsi funksiyası istifadəyə verilib

     Android-in son versiyalarında Messages tətbiqi üçün sınaq rejimində yeni funksiya peyda olub. Bu, standart ünsiyyət vasitəsini messencerlərə yaxınlaşdırır və istifadəçiyə səhvən yanlış kontakta mesaj göndərdiyi və ya sadəcə yazdığını bölüşməkdən vaz keçdiyi halda düzəliş etmək imkanı verir. Söhbət? artıq göndərilmiş mesajı silmək imkanından gedir. Bunun üçün göndərilmiş mesajı seçmək, sonra isə zibil qutusu ikonuna toxunaraq təklif olunan variantlardan birini seçmək kifayətdir - “Delete for everyone” və ya “Delete for me”. Birinci halda, mesaj yalnız qarşı tərəf onu oxumağa macal tapmayıbsa, onun ekranından da silinəcək. Qeyd etmək lazımdır ki, adi SMS-lərdə bu funksiya texnologiyanın məhdudiyyətlərinə görə işləməyəcək. Lakin bəzi RCS yazışma istifadəçiləri artıq bu yeni imkanı sınaqdan keçirə bilirlər. Məlumata görə, mesajların silinməsi funksiyası ilk dəfə fevral ayında peyda olub, lakin geniş yayılmağa yalnız indi başlayıb.