Google Play Market-də bu il yeni təhlükəsizlik tədbirləri reallaşdırılacaq

     Google 2025-ci ildə Play Market tətbiq mağazasında və Android əməliyyat sistemində təqdim ediləcək yeni təhlükəsizlik funksiyaları barədə məlumat verib. Zərərli tətbiqlərin aşkar olunması mexanizmi təkmilləşdiriləcək, kibercinayətkarların istifadəçini zərərli proqram təminatını quraşdırmağa məcbur etməsi daha da çətinləşəcək, Play Integrity API-nin etibarlılığı artırılacaq və tətbiqlər üçün yeni etiketlər təqdim olunacaq. Təhlükələrin real vaxtda aşkar edilməsinə yönəlmiş Google Play Protect sistemi artıq fəaliyyət göstərir. Bu sistem istifadəçiləri məxfi məlumat toplayan və ya istifadəçinin razılığı olmadan izləmə aparan tətbiqlər barədə xəbərdar edir, həmçinin tətbiqlərin aktivlik nümunələrini təhlil edir.

     Bu funksiyalar daha da genişləndiriləcək - sistem maliyyə xidmətlərinin tətbiqləri kimi təqdim olunan zərərli proqramları aşkarlamağa və fəaliyyətsiz qalan və ya aktivliyini gizlətməyə çalışan tətbiqlərə diqqət yetirməyə çalışacaq. Google həmçinin “zərərli proqram təminatını istifadəçilərə gizli və ya aldatma yolu ilə quraşdırmağa çalışan kibercinayətkarlar üçün prosesi çətinləşdirməyi” planlaşdırır. Şirkətin hesablamalarına görə, Play Market-dən kənar mənbələrdə zərərli tətbiqlərin sayı 50 dəfə daha çoxdur. Play Market-də müxtəlif tətbiqlər üçün, məsələn, onlayn xidmətlər və digər kateqoriyalar üzrə “Yoxlanılıb” kimi etiketlərin sayı artırılacaq.

     Play Integrity API alətinin etibarlılığı artırılacaq - bu alət yüksək risk daşıyan cihazları təkrar identifikasiya edə biləcək, eyni zamanda istifadəçilərin məxfiliyini qoruyacaq. Google-un qeyd etdiyinə görə, Play Integrity funksiyası artıq tətbiqlərdən sui-istifadə hallarını 80% azaltmağa kömək edib. Tərtibatçılar Android Studio daxilində daha çox yoxlama apara biləcəklər ki, bu da siyasət pozuntularının qarşısını almağa imkan verəcək. Şirkət həmçinin Play Console vasitəsilə tərtibatçılarla ünsiyyəti yaxşılaşdırmağı və Google Play tərtibatçı dəstəyi icmalarını indoneziya, yapon, koreya, portuqal və digər dillərdə istifadəyə açmağı planlaşdırır.

Mənbə: Google

Bənzər xəbərlər

Süni İntellekt

Google Gemini 2.5 Pro süni zəka modeli təqdim edilib

Google şirkəti Gemini 2.5 Pro süni zəka modelini təqdim edərək onu “indiyə qədərki ən ağıllı modeli” adlandırıb. Bu neyron şəbəkə Gemini 2.5 ailəsinin bir hissəsidir və məlumatların analizi, proqramlaşdırma və mürəkkəb tapşırıqların həlli sahəsində əvvəlki versiyaları üstələyir.

Cihazlar+

Orta büdcəli Google Pixel 9a təqdim edilib - QİYMƏTİ

Google rəsmi şəkildə yeni orta büdcəli smartfonunu təqdim edib. Söhbət, Google Pixel 9a-dan gedir. Bu yeni smartfon adi Pixel 9 modelinin dizaynını təkrarlasa da, Pixel 9a-nın kamera sahəsi daha kompakt ölçüyə sahibdir.

Tech-Biznes

Google bulud təhlükəsizliyi ixtisaslaşan Wiz startapını 30 milyard dollardan baha qiymətə aldı

Google şirkəti bulud təhlükəsizliyi sahəsində həllər üzrə ixtisaslaşan Wiz startapını aldığını elan edib. Əməliyyatın məbləği 32 milyard dollar təşkil edəcək və ödəniş nağd şəkildə həyata keçiriləcək.

Süni İntellekt

Süni zəka əsaslı axtarış Google-dakı ənənəvi "10 mavi link" axtarış formatını öldürüb

Uzun illər boyunca Google-un ənənəvi axtarış formatı - qeyri-rəsmi olaraq "10 mavi keçid" adlandırılan sistem istifadəçilər üçün əsas yanaşma olub. Lakin istifadəçilər süni zəka əsaslı çat-botlara, onların yerinə axtarış aparan alətlərə sürətlə uyğunlaşırlar.

Proqram Təminatı

Android smartfonlarda Google Assistant süni zəka əsaslı Gemini ilə əvəzlənəcək

Google şirkəti elan edib ki, yaxın aylarda Android smartfonlarında standart Google Assistant rəqəmsal köməkçisini yeni süni zəka əsaslı Gemini köməkçisi ilə əvəz edəcək.