Samsung Galaxy F54 smartfonu OneUI 6.1-i əldə etməyə başlayıb

     Samsung şirkəti öz cihazlarında OneUI 6.1 istifadəçi interfeysini istifadəyə verməyə davam edir. Bu dəfə növbə Galaxy F seriyasının smartfonuna çatıb. Söhbət, Galaxy F54-dən gedir. Qeyd etmək lazımdır ki, Galaxy F54 smartfonu Galaxy F seriyasının ilk modelidir ki, OneUI 6.1-i əldə edib. OneUI 6.1 istifadəçi interfeysi sözügedən smartfon üçün E546BXXU4CXDC nömrəsi altında təqdim edilib və onun həcmi 2 GB təşkil edir. Sistem yenilənməsi bu smartfonun ilk növbədə Hindistandakı istifadəçiləri üçün təqdim edilib. Lakin yaxın zamanda sistem yenilənməsi Galaxy F54-ün bütün istifadəçiləri üçün aktiv olacaq. Qeyd etmək lazımdır ki, OneUI 6.1 sayəsində Galaxy F54 smartfonu Galaxy AI ekosisteminin süni zəka funksiyalarını əldə etməyib.