Samsung və digər Android cihazları üçün etibarlı sızıntıları ilə tanınan "chunvn8888" adlı istifadəçi, sosial media hesabında paylaşdığı yeni paylaşımlarla Samsung One UI 7-nin necə görünəcəyinə dair bir çox şəkilləri bölüşüb.

     Daha əvvəl sızdırıldığı kimi, diqqəti cəlb edən ilk şey Samsung tərəfindən daha da yuvarlaqlaşdırılan vizual elementlərdir. Bildirişlərdən tutmuş ikon elementlərinə qədər One UI 7-də görəcəyiniz demək olar ki, hər bir element daha hamar xətlərə sahib olacaq.

     Sızdırılan ekran görüntüləri, sürətli parametrlər bölməsinin və bildiriş panelinin ayrı panellər kimi tərtib edildiyini göstərir. Bu, Xiaomi MIUI/HyperOS və Apple iOS kimi fərqli təcrübə təklif edə bilər. Bu mənada istifadəçilərə köhnə bildiriş paneli ilə yeni interfeys arasında istəyə bağlı seçim təklif oluna bilər.

     Əlavə olaraq, hər 2 cihaza da Samsung hesabınızla daxil olsanız, Samsung, sizə cihazlar arasında video zənglər etməyə icazə verəcək kimi görünür. Bundan əlavə, yayımlanan videoda genişlənən bildiriş pəncərəsi göstərilir. Şəkillərdən də göründüyü kimi, bizi əvvəlki sızıntılarda göstərildiyindən daha əhatəli vizual dəyişiklik paketi gözləyir.