main-post-cover

    Google mətnli təsvirlər əsasında musiqi bəstələyən MusicLM tətbiqini istifadəyə verib

    Proqram Təminatı
    Servislər
    12.05.2023
    Farid Pardashunas
        Generativ süni zəka sistemləri artıq qəliz mətnlər və fotolar tərtib etməyi bacarırlar. Onların eyni səviyyədə musiqi tərtib edə bilmələri sadəcə zaman məsələsi idi və bu istiqamətdə bir çox şirkət tərəfindən müxtəlif təcrübələr aparılır. Google da bu məsələdə istisna deyil. Şirkət tendensiyadan geri qalmayaraq MusicLM adlı tətbiqini sərgiləyib. Sözügedən tətbiq mətn formatında təsvirlər əsasında musiqi bəstələri tərtib edə bilir. Şirkət MusicLM barəsində məlumatı hələ yanvar ayında vermişdi.
        Lakin həmin vaxtda şirkət bildirmişdi ki, o, MusicLM-i istifadəyə verməyi planlaşdırmır. Görünür, bu müddət ərzində şirkət öz fikrini dəyişib. MusicLM AndroidiOS üçün aktiv olan AI Test Kitchen proqramı çərçivəsində istifadəyə verilib. Musiqi bəstəsinin mətn formatında təsviri əsasında MusicLM musiqi bəstəsinin iki variantını tərtib edə bilir. İstifadəçi isə öz növbəsində uyğun olan variantı seçə bilər.
        Mətn formatında təsvir özündə təkcə musiqi bəstəsində istifadə ediləcək musiqi alətləri barəsində deyil, həmçinin yekun musiqi bəstəsinin yarada biləcəyi emosional effekt barəsində məlumatları da birləşdirə bilər. MusicLM konkret musiqiçilərin vokallarını özlərində birləşdirən musiqi bəstələrini tərtib etməyəcək. Bu üsul ilə Google müəllif hüquqları ilə bağlı problemlərdən yan keçmək istəyir. 
    Linki kopyala

    Bənzər xəbərlər

    Oxşar xəbərlər