Google öz axtarış xidmətini daha vizual, rahat, personallaşdırılmış və gənc istifadəçilərə istiqamətlənmiş etməyi planlaşdırır. Məlumatda qeyd edilib ki, bu cür qərar ChatGPT-yə bənzər süni zəka əsaslı servislərin istifadəçilər arasında daha çox məşhurlaşmalarındadır. Bu cür servislər isə internetin həm biznes həm də ictimaiyyət üçün çalışma üsulunu tamamilə dəyişə bilər. Beləliklə Google tədricən axtarış nəticələrində ənənəvi 10 ədəd link modelindən imtina edəcək.

    Bu üsul ilə şirkət axtarış servisinin xidmətini hər bir istifadəçi üçün unikal vəziyyətə salacaq. 10 may tarixində start götürəcək Google I/O 2023 konfransı çərçivəsində şirkətin öz axtarış servisi üçün süni zəka əsaslı funksiyaları təqdim edəcəyi gözlənilir. Şirkətin bu istiqamətdə hazırlanan layihəsi Magi adlanır. Güman olunur ki, Google tərəfindən hazırlanan funksiyalardan biri çərçivəsində istifadəçilər süni zəka əsaslı sistem ilə ünsiyyət qura biləcəklər. Məlumatda qeyd edilib ki, Google istifadəçilərin axtarış sorğularına adi linklərin deyil, vizuala istiqamətlənmiş axtarış nəticələrinin təqdim edilməsinə böyük diqqət ayıracaq.