3 miyon Facebook istifadəçisinin məlumatları 4 il ərzində açıq mənbə kimi saxlanılıb
Sosial Media
15.05.2018
Farid Pardashunas
3 milyon Facebook istifadəçisinin
özəl məlumatları 4 il ərzində açıq mənbə kimi saxlanılıb. Bu barədə New
Scientist saytı xəbər verib. Bunun əsas səbəbkarı isə Kembric Universitetinin
mütəxəssisləri tərəfindən hazırlanmış myPersonality tətbiqi olub. Qeyd etmək
lazımdır ki, bu tətbiq psixoloji testlərin keçirilməsi üçün nəzərdə
tutulmuşdur.
Məlumata əsasən myPersonality psixoloji test nəticələri ilə
birlikdə istifadəçilərin özəl məlumatlarını da yığıb. Tətbiq vaitəsilə
aparılmış tədqiqatların anonim şəkildə aparılmasının lazım olduğu halda tətbiqin
təhlükəsizlik üsulları o qədər aşağı səviyyədə olub ki, layihədə iştirak etmiş
şəxslərin əsl adlarını müəyyən etmək heç də çətin olmazdı.
“Demək olar ki, 6 milyon insan myPersonality sayəsində testdən keçib və onlardan yarısı öz Facebook hesablarının məlumatlarının prosesdə istifadə edilməsinə razılıq verib” – deyə New Scientist saytı bildirib.
Bundan əlavə olaraq məlumata əsasən
myPersonality tətbiqi 2013-cü ildən başlayaraq Cambridge Analytica şirkətinə məxsus
olub. Keçən ay Facebook myPersonality tətbiqini sosial şəbəkədən silmişdi.
Lakin qeyd etmək lazımdır ki, sosial şəbəkədə buna bənzər bir çox tətbiqlər
var. Bununla yanaşı bugün verdiyimiz xəbərdə qeyd olunub ki, Facebook şirkəti
200-ə yaxın tətbiqin fəaliyyətini dayandırıb və onlar istifadəçi məlumatlarının
sızdırılması ehtimalı üzrə yoxlanmadan keçirlər.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)