Gmail'ə öz-özünə silinən məktublar funksiyası gəlir
Sosial Media
14.04.2018
Farid Pardashunas
Bir neçə gün bundan öncə biz Google şirkətinin öz Gmail
servisinin dizayn dəyişikliyi barəsində xəbər vermişdik. Görünür, istifadəçilər
nəinki yeni dizayn həmdə bir sıra yeni funksiyalar da əldə edəcəklər. Həmin
funksiyalar arasında konfidensiallıq rejimi və öz-özünə silinən məktublar da
var. Bu barədə Techcrunch saytı xəbər verib. Məktubun yazılışı zamanı servisdə
saat və qıfıl işarələri əks olunacaq. Həmin işarələrə klik edəndən sonra
istifadəçi konfidensial rejimə keçid edəcək.
Bu cür rejimdə yazılmış məktubu qəbul
edəcək şəxs məktubun daxilindəki məlumatı heç cür kopyalaya, çap etdirə və ya
kiməsə göndərə bilməyəcək. Müəyyən müddətdən sonra isə göndərilmiş həmin məktub
avtomatik olaraq silinəcək. Məktubu göndərəcək şəxs məktubun pozulacağı vaxt
intervalını (həftə, ay və hətta bir neçə il) özü təyin edə biləcək. Bundan əlavə
olaraq göndərilmiş məktubu kənar gözlərdən qorumaq da mümkün olacaq. Bunun üçün
xüsusi şifrədən istifadə olunacaq və həmin şifrə SMS vasitəsilə məktubu qəbul
edəcək şəxsə göndəriləcək. Çox güman ki, yenilənmiş Gmail servisi 8 May
tarixində start götürəcək Google I/O 2018 tədbirində təqdim olunacaq.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
Telegram-ın yaradıcısı Pavel Durov geniş müsahibə verib (VİDEO)