Meta şirkəti Instagram-da çat-botların hazırlanması funksiyası üzərində çalışır

     Meta şirkəti istifadəçilərə Instagram daxilində öz çat-botlarını yaratmağa imkan verəcək yeni funksiya üzərində çalışır. Sözügedən yeni funksiya AI Studio adlanır və o, Instagram istifadəçilərinə müxtəlif tapşırıqlar üçün nəzərdə tutulmuş çat-botların yaradılması ilə onların ayarlanması imkanlarını verəcək. İstifadəçilər səyahətlərin planlaşdırılması, alış-veriş, romantik münasibətlər və s. mövzulara hədəflənmiş çat-botları yarada biləcəklər. İnsayderlər AI Studio funksiyasının interfeysini sərgiləyən fotonu təqdim ediblər. Bununla yanaşı məlumatda qeyd edilib ki, istifadəçilər AI Studio vasitəsilə fərdi çat-botlardan əlavə olaraq digərlərinin də istifadə edə biləcəkləri çat-botları yarada biləcəklər. Yəni onlar açıq mənbə şəklində təqdim olunacaqlar və sahib olduqları ayarlara istiqamətlənmiş tapşırıqları yerinə yetirəcəklər.