WhatsApp-da səsli poçt analoqu istifadəyə veriləcək

     Keçən ay WhatsApp-da buraxılmış zənglər üçün xatırlatma funksiyasının əlavə ediləcəyi barədə məlumat yayılmışdı. İndi isə məlum olub ki, tərtibatçılar messencerə buraxılmış zənglər üçün səsli poçt analoqu əlavə etməyi planlaşdırırlar. Bu yenilik WhatsApp 2.25.23.21 Android beta-versiyasında aşkar edilib. İstifadəçi WhatsApp vasitəsilə kiməsə zəng etdikdə və cavab almadıqda, ekranda “Yenidən zəng et” və “Ləğv et” düymələrinin yanında “Səsli mesaj yaz” seçimi görünür. Bu variant seçildikdə, istifadəçi səsli mesaj yaza bilir və qarşı tərəf tətbiqi növbəti dəfə açanda həmin mesajı görəcək.

     “Səsli mesaj yaz” seçimi həmçinin zəng çatmayan kontaktla olan söhbətdə də göstəriləcək. Səsli poçt analoqu zəng çatmayan şəxsə tez bir şəkildə səsli mesaj göndərməyə imkan verəcək. Əlbəttə, bunu həmçinin kontaktla olan söhbət bölməsində də etmək olar, lakin uğursuz zəngdən dərhal sonra ayrıca seçim kimi görünməsi messencerlə qarşılıqlı istifadənin daha rahat olmasına xidmət edəcək. Hazırda “Səsli mesaj yaz” seçimi WhatsApp-ın Android üçün bəzi beta-versiya istifadəçilərinə açıqdır. Bu funksiyanın nə vaxt hamı üçün əlçatan olacağı isə hələlik məlum deyil.