X alqoritmini yenilədi

    X istifadəçilərin qarşılıqlı izlədiyi hesabların paylaşımlarını və cavablarını daha görünən etmək üçün alqoritmində yeni dəyişiklik edib.

    X-in məhsul rəhbəri Nikita Bier-in sözlərinə görə, əvvəlki alqoritmdə istifadəçilərin “mutual” adlandırılan qarşılıqlı izlədikləri hesablarla bağlı məlumat kifayət qədər nəzərə alınmırdı. Nəticədə cavab bölmələrində istifadəçilər daha çox tanımadıqları insanlarla qarşılaşır, bu da müzakirələri daha gərgin və qarşıdurmalı edirdi.

    Yeniləmə ilə istifadəçilər artıq cavab bölmələrində dostlarının və qarşılıqlı izlədikləri hesabların yazılarını daha tez-tez görəcəklər. Bu isə platformada daha rahat ünsiyyət mühiti yaratmaqla yanaşı, X-in daha çox icma hissi verməsinə kömək edəcək.

    Bier əlavə edib ki, dəyişiklik oxşar maraqlara sahib istifadəçilərin daha asan bir araya gəlməsini də təmin edəcək. Onun sözlərinə görə, bu, istifadəçilərin uzun müddətdir tələb etdiyi yeniliklərdən biri idi.