Youtube videolardakı dislike sayının görünməsini deaktiv edib

Youtube videolardakı dislike sayının görünməsini deaktiv edib

Sosial Media
11.11.2021 PAYLAŞIM

    Youtube rəsmi şəkildə elan edib ki, bundan sonra videolardakı dislike sayı adi istifadəçilər üçün görünməyəcək. Məşhur videoservis bildirib ki, bu cür qərarın sayəsində videoların müəllifləri özlərini müxtəlif növ mənfi rəylərdən qoruya biləcəklər. Dislike düyməsi olduğu kimi öz yerində qalacaq. Lakin dislike sayı bundan sonra yalnız videonu paylaşmış müəllif üçün təqdim ediləcək. Qeyd etmək lazımdır ki, bu, ani verilmiş bir qərar deyil. Belə ki, Youtube dislike sayının gizlədilməsi özəlliyini mart ayından test edir. Videoservisin fikrincə dislike sayının görünməməsi öz növbəsində böyük məna kəsb edəcək. Belə ki, izləyicilər videonun altında olan müsbət və mənfi qiymətləndirmə arasındakı nisbəti görməyə öyrəşiblər.


    Bir çoxları isə bu cür nisbətdən istifadə edərək videoya baxıb-baxmamaq qərarını verirlər. Bundan sonra bu faktor aktual olmayacaq. Videoservis bildirib ki, bundan sonra dislike sayı öz ilkin məqsədinə xidmət göstərəcək. Belə ki, kontent yaradıcıları dislike sayını izləyərək öz abunəçilərinin üstünlük verdikləri istiqamətlərə diqqət ayıra biləcəklər. Adi istifadəçilərə gəldikdə isə, dislike düyməsi onlar üçün video məsləhəti üzrə alqoritmlərin ayarlanmasında yardımçı olacaq. Qeyd etmək lazımdır ki, digər sosial şəbəkələr də paylaşımların reytinqlərini gizlətmək imkanını verirlər. Məsələn Facebook ilə Instagram kontentlərin like sayını gizlətmək imkanını təqdim edir. Bu isə öz növbəsində istifadəçilərin sosial təzyiqdən yayınmalarına şərait yaradır.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Whatsapp-da fərdi stikerlərin yaradılması funksiyası istifadəyə veriləcək..

İnsayderlər məlumat veriblər ki, yaxın zamanda Whatsapp-da fərdi stikerlərin yaradılması funksiyası ..


Instagram istifadəçilərin real şəxslər olduqlarını yoxlamaq üçün onlardan video ..

Instagram bəzi istifadəçilərdən video selfie tələb etməyə başlayıb.


Instagram-da ödənişli abunəlik istifadəyə veriləcək

Yaxın zamanda Instagram istifadəçiləri əlavə gəlir mənbəyinə sahib olacaqlar.


Telegram-da ödənişli abunəlik sistemi istifadəyə veriləcək

Telegram-ın yaradıcısı Pavel Durov öz bloqunda messencer ilə bağlı olacaq dəyişikliklər barəsində mə..


Whatsapp tərtibatçıları messencer üçün Communities adlı yeni funksiya üzərində ç..

Oktyabr ayında XDA-Developers saytının iştirakçıları bildirmişdilər ki, Whatsapp tərtibatçıları mess..


Whatsapp-ın 4 müxtəlif cihazda istifadəsi funksiyası işə düşüb

Hələ bir neçə müddət bundan öncə Whatsapp-ın veb versiyasından istifadə etmək üçün istifadəçi öz sma..

×